Летась у Дзятлаўскім раёне зарэгістраваны 76 крадзяжоў з кватэраў і хат. У асноўным пацярпелі ад злачынства адзінокія састарэлыя жыхары вёсак. Каб не страціць сваю маёмасць і папярэдзіць крадзеж, важна ведаць, як сябе весці ў той ці іншай небяспечнай сітуацыі.
ПРЫ СПРОБЕ ЧУЖЫХ ТРАПІЦЬ У ВАШ ДОМ
* Званок у дзверы. Вы пытаецеся: “Хто там?” Вам адказваюць: “Паштальён”, “Слесар з ЖКГ”, “Сацыяльны работнік” і г.д., або “З сэрцам дрэнна, дайце вады”. Вы гледзіце ў дзвярное вочка або праз акно, бачыце чалавека і адчыняеце дзверы. А за дзвярыма – не адзін чалавек, а некалькі, якія ўрываюцца ў ваш дом, зачыняюць вас у адным з пакояў, перакопваюць усё жыллё ў пошуках нажывы. Што рабіць у такой сітуацыі? А калі гэта на самой справе слесар або сацыяльны работнік? Праверыць па тэлефоне вы не можаце – у ЖКГ занята або не бяруць трубку. Аптымальным рашэннем стане тэлефонны званок суседзям, з чыёй кватэры або дома бачна ваша пляцоўка. Яшчэ лепш, калі суседзі адчыняць дзверы разам з вамі – з упэўненасцю можна сказаць, што вас не абкрадуць.  

У раёне ў апошнія тры гады захоўваецца тэндэнцыя зніжэння колькасці агульнай злачыннасці, па лініі крымінальнага пошуку.
У выніку ўчыненых злачынстваў пацярпелі 237 грамадзян, з іх 54 – пенсіянеры. Загінулі 9 чалавек. Больш за ўсё пацярпелых зарэгістравана ў Дзятлаве – 48,5%, Данілавіцкім сельсавеце – 18,9%. Падазроныя асобы ўстаноўлены па 137 злачынствах.
На працягу мінулага года асобую трывогу выклікаў рост цяжкіх і асабліва цяжкіх злачынстваў. Перш за ўсё гэта выклікана павелічэннем колькасці наўмысных цяжкіх цялесных пашкоджанняў з 3 да 13. Злачынствы дадзенай катэгорыі зарэгістраваны на 9 адміністрацыйных участках раёна. Засталося нераскрытае адно цяжкае злачынства. У гаражы кааператыва “Прырэчны” пасёлка Гезгалы, які належаў В. Пракапчуку, быў выяўлены і канфіскаваны электрадэтанатар маркі ЭДТ, які з’яўляецца выбуховым устройствам.
Колькасць разбояў павялічылася з 2 да 3. Учынена адно згвалтаванне. Забойствы скараціліся з 4 да 3.
Трэба адзначыць, што нягледзячы на невялікае пагаршэнне сітуацыі з раскрыццём крадзяжоў, колькасць раскрыцця крадзяжоў менавіта з жылля грамадзян павялічылася.
Па 2 хуліганствах, якія ўчынены ў райцэнтры, не ўстаноўлены падазроныя асобы. Самае дрэннае становішча па выяўленні падазроных у крадзяжах склалася на тэрыторыі Мяляхавіцкага – 0%, Данілавіцкага, Жукоўшчынскага і Раготнаўскага сельсаветаў – па 33%, г.п. Наваельні – 26,7%.
Колькасць злачынстваў, якія былі ўчынены ў грамадскіх месцах, павялічылася з 52 да 55. Іх удзельная вага адзначана ў г. Дзятлава – 34,2%, г.п. Наваельня – 22,2%, Парэцкім сельсавеце – 21,1%.
Колькасць злачынстваў, учыненых непаўналетнімі, знізілася з 24 да 13, з іх 3 – непаўналетнімі ў групе. Так, А. Саўрасевіч з непаўналетнім І. Даленчуком праніклі ў магазін, адкуль скралі тавары; Р. Разыеў з непаўналетнім А. Каско з хуліганскага намеру пабілі грамадзяніна, прычынілі яму цялесныя пашкоджанні. Непаўналетні Н. Юч з двума паўналетнімі шляхам падману вывезлі непаўналетнюю дзяўчыну ў поле і прымусілі капаць яму для магілы. Пасля скінулі яе туды, спрабавалі засыпаць пяском.
Падлеткі выхоўваліся ў сем’ях, дзе паслаблены кантроль з боку бацькоў.
Былымі асуджанымі ўчынены 38,2% злачынстваў, зарэгістраваных у раёне.
У параўнанні з 2008 годам колькасць злачынстваў, якія ўчынены ў стане алкагольнага ап’янення, скарацілася, аднак гэты паказчык усё роўна вышэй за сярэднеабласны.
У сферы сямейна-бытавых адносінаў, у параўнанні з 2008 годам, зарэгістравана ў два разы больш злачынстваў – 18, з якіх 8 – гэта наўмыснае прычыненне цяжкіх цялесных пашкоджанняў. Так, В. Седач у сваёй кватэры, у час спрэчкі з былой жонкай збіў пацярпелую нагамі і качаргой, прычыніў ёй цяжкія цялесныя пашкоджанні. Мужчына – былы асуджаны. Прыцягваўся да адказнасці 9 разоў. Яго былая жонка стаіць у РАУС на ўліку як абавязаная асоба. Абодва злоўжываюць спіртнымі напіткамі.
На тэрыторыі раёна ў мінулым годзе зарэгістраваны 16 смерцяў ад атручвання алкаголем. Больш за ўсё на тэрыторыі г.п. Наваельня – 5, г. Дзятлава – 3. У ЛПП ізаляваны толькі 14 алкаголікаў, 2 з іх – жанчыны.
Адбыліся 38 пажараў, у якіх загінулі 9 чалавек. Зарэгістраваны 26 дарожна-транспартных здарэнняў, зменшылася колькасць загінуўшых і параненых у ДТЗ. Выпадкі дзіцячага траўматызму засталіся на тым жа ўзроўні – 5.    

За тыдзень зарэгістраваны 5 злачынстваў. За адміністрацыйныя правапарушэнні да адказнасці прыцягнуты 138 чалавек, у тым ліку: 2 – за збыт самагону, 7 – за дробнае хуліганства, 12 – за з’яўленне ў нецвярозым стане або распіццё алкагольных напіткаў у грамадскіх месцах, 2 – за ўцягванне непаўналетніх у распіццё алкагольных напіткаў, 1 – за прычыненне цялесных пашкоджанняў, 1 – за прысвойванне знойдзенай маёмасці, 2 – за пражыванне без пашпарта або прапіскі, двое замежных грамадзян – за парушэнне правілаў знаходжання ў нашай краіне, 19 вадзіцеляў – за парушэнне хуткаснага рэжыму руху, 23 – за парушэнне правілаў карыстання рамянямі бяспекі, 19 пешаходаў – за парушэнне правілаў дарожнага руху. Затрыманы 2 вадзіцелі за кіраванне аўтатранспартам у стане алкагольнага ап’янення.
в. Вензавец
“Негасцінна” павёў сябе непрацоўны, былы асуджаны жыхар вёскі. Ён скраў з жаночай сумачкі мясцовай жыхаркі, якая зайшла ў госці, каля 700 тысяч рублёў. У адносінах да “гаспадарлівага” мужчыны ўзбуджана крымінальная справа па артыкуле “Крадзеж”.
в. Зарэчча, г. Дзятлава        

22 студзеня 2010 года афіцыйна апублікаваны Закон Рэспублікі Беларусь “Аб унясенні змяненняў і дапаўненняў у некаторыя кодэксы Рэспублікі Беларусь па пытаннях крымінальнай і адміністрацыйнай адказнасці”.
У прыватнасці, артыкул 17.3 КоАП атрымаў новую назву “Распіццё алкагольных, слабаалкагольных напіткаў або піва ў грамадскім месцы або з’яўленне ў грамадскім месцы або на працы ў стане алкагольнага ап’янення” і, адпаведна, пашырыў межы свайго прымянення.
Заўвага: піва – напітак, які атрымліваецца шляхам зброджвання ахмеленага соладавага сусла піўнымі дражджамі, з аб’ёмнай доляй этылавага спірту 0,5 і больш працэнта; слабаалкагольныя напіткі – напіткі (за выключэннем кісламалочных напіткаў, квасу і піва) з аб’ёмнай доляй этылавага спірта ад 0,5 да 7 працэнтаў.
За распіццё алкагольных, слабаалкагольных напіткаў або піва на вуліцы, стадыёне, у скверы, парку, грамадскім транспарце або ў іншых грамадскіх месцах, акрамя месцаў, прызначаных для ўжывання алкагольных, слабаалкагольных напіткаў і піва, або з’яўленне ў грамадскім месцы ў п’яным выглядзе, які зневажае чалавечую годнасць і маральнасць, прадугледжана адказнасць у выглядзе штрафу ў памеры да 8 базавых велічыняў.
Другой часткай гэтага ж артыкула ўстаноўлена адміністрацыйная адказнасць у выглядзе штрафу ў памеры ад 1 да 10 базавых велічыняў за знаходжанне на працоўным месцы ў рабочы час у стане алкагольнага, наркатычнага або таксікаманічнага ап’янення.
За вышэйазначаныя дзеянні, якія ўчынены паўторна на працягу аднаго года пасля накладання адміністрацыйнага спагнання за такія ж парушэнні, вінаватага чакае штраф у памеры ад 2 да 15 базавых велічыняў або адміністрацыйны арышт.      

Летась праваахоўнымі органамі раёна і вобласці ўзбуджаны 9 крымінальных справаў карупцыйнага накірунку.
10 жніўня 2009 года была ўзбуджана крымінальная справа ў адносінах да М. Касцюк, загадчыцы магазіна вёскі Хадзяўляны, філіяла “Наваельнянская аптовая база” Дзятлаўскага райспажыўтаварыства. Жанчына амаль месяц выдавала са свайго падуліку тавары жыхарам Хадзяўлянаў і бліжэйшых вёсак без дакументальнага ўліку і аплаты апошнімі, а таксама прысвойвала матэрыяльныя каштоўнасці з магазіна. Пры гэтым, згодна са службовай інструкцыяй, яна састаўляла і здавала ва ўстаноўлены тэрмін таварна-грашовыя справаздачы, у якіх у графе “астатак” указвала наяўнасць таварна-матэрыяльных каштоўнасцяў, якія фактычна былі растрачаны. Тым самым М. Касцюк уносіла заведама лжывыя звесткі і запісы ў афіцыйныя дакументы. Растрата даверанай ёй маёмасці склала 3128000 рублёў. Жанчына асуджана судом Дзятлаўскага раёна, на 3 гады пазбаўлена права займаць пэўныя пасады.
22 снежня 2008 года была ўзбуджана крымінальная справа ў адносінах да Г. Ляпешка, якая працавала загадчыцай магазіна вёскі Боркі, з 17 кастрычніка 2008 года – прадаўцом магазіна вёскі Раготна, з ускладзенымі на яе абавязкамі загадчыцы. Больш месяца яна выдавала са свайго падуліку тавары жыхарам Раготна і бліжэйшых вёсак, а таксама прысвойвала сабе, без дакументальнага ўліку і аплаты. У графе “астатак” таварна-грашовых справаздачаў па магазіну вёскі Раготна ўказвала аб наяўнасці таварна-матэрыяльных каштоўнасцяў, якія фактычна былі ёю растрачаны або прысвоены. Растрата склала 1224420 рублёў. Судом Дзятлаўскага раёна Г. Ляпешка асуджана на 1 год абмежавання волі без накіравання ў папраўчыя ўстановы адкрытага тыпу.
6 сакавіка 2009 года пракуратурай Гродзенскай вобласці была ўзбуджана крымінальная справа ў адносінах да А. Фабішэўскай, якая працавала намеснікам старшыні Дзятлаўскага раённага выканаўчага камітэта. У перыяд са студзеня 2004 года па май 2005 года, наўмысна, выкарыстоўваючы свае службовыя паўнамоцтвы, з мэтай аказання садзейнічання сям’і сваёй дачкі С. Каспяровіч у атрыманні льготнага крэдыту ў філіяле 407 ААТ “Беларусбанк” на будаўніцтва жылля, узгадніла заведама незаконнае рашэнне раённага выканаўчага камітэта № 25 ад 29.01.2004 года “Аб пастаноўцы В. Каспяровіча з сям’ёй у складзе трох чалавек на ўлік грамадзян, якія маюць патрэбу ў паляпшэнні жыллёвых умоваў”. Пры гэтым А. Фабішэўская ведала аб адчужэнні дачкой у 2002 годзе жылля, якое належала ёй па праву ўласнасці, і ўсведамляла недакладнасць прадастаўленых мужам дачкі В. Каспяровічам дакументаў.                                  

Летась у Дзятлаўскім раёне зарэгістраваны 76 крадзяжоў з кватэраў і хат. У асноўным пацярпелі ад злачынства адзінокія састарэлыя жыхары вёсак. Каб не страціць сваю маёмасць і папярэдзіць крадзеж, важна ведаць, як сябе весці ў той ці іншай небяспечнай сітуацыі.
ПРЫ СПРОБЕ ЧУЖЫХ ТРАПІЦЬ У ВАШ ДОМ
* Званок у дзверы. Вы пытаецеся: “Хто там?” Вам адказваюць: “Паштальён”, “Слесар з ЖКГ”, “Сацыяльны работнік” і г.д., або “З сэрцам дрэнна, дайце вады”. Вы гледзіце ў дзвярное вочка або праз акно, бачыце чалавека і адчыняеце дзверы. А за дзвярыма – не адзін чалавек, а некалькі, якія ўрываюцца ў ваш дом, зачыняюць вас у адным з пакояў, перакопваюць усё жыллё ў пошуках нажывы. Што рабіць у такой сітуацыі? А калі гэта на самой справе слесар або сацыяльны работнік? Праверыць па тэлефоне вы не можаце – у ЖКГ занята або не бяруць трубку. Аптымальным рашэннем стане тэлефонны званок суседзям, з чыёй кватэры або дома бачна ваша пляцоўка. Яшчэ лепш, калі суседзі адчыняць дзверы разам з вамі – з упэўненасцю можна сказаць, што вас не абкрадуць.
* Другім з найбольш распаўсюджаных выпадкаў кватэрных крадзяжоў з’яўляецца крадзеж “па-цыганску”. На цыганскія хітрасці, як правіла, паддаюцца людзі пажылога ўзросту. Праходзіць такі крадзеж па адным і тым сцэнарыі: званок у дзверы, жанчына просіць папіць вады або прапануе рэчы па нізкай цане і г.д. Вы прапускаеце яе ў кватэру, а самі ідзеце па кубак з вадой. У гэты час яна віхорам праносіцца па ўсіх вашых шафах і тумбачках. Затым спакойна п’е ваду і развітваецца з вамі. А праз некаторы час вы выяўляеце прапажу. Папярэдзіць такую бяду можна так: перш чым спытаць “Хто там?”, паглядзіце ў вочка ў дзвярах, калі ўбачыце мужчыну або жанчыну цыганскай знешнасці, адразу званіце ў міліцыю, але не папяпрэджвайце няпрошаных гасцей аб гэтым.

унутраных справаў Мастоўскага райвыканкама адшукваецца прапаўшы без вестак Шчур Віктар Рыгоравіч, 18.04.1964 года нараджэння, ураджэнец і жыхар г. Масты, вул. Зэльвянская,26 (зарэгістраваны ў г. Масты, вул. Будаўнікоў, 7/34), які 11.01.2009 года паехаў на заробкі ў Санкт-Пецярбург і да цяперашняга часу яго месцазнаходжанне невядома.
Яго прыкметы: на выгляд 40-45 гадоў, рост 175-180 см, хударлявага целаскладу, валасы чорныя, прамыя, вочы шэрыя, носіць вусы, асаблівых прыкметаў няма.
Быў апрануты: шапка вязаная чорнага колеру, куртка скураная чорнага колеру, джынсы салатавага колеру, кашуля сіняя на замку, скураныя боты чорнага колеру.
Просім грамадзян, якія што-небудзь ведаюць пра месцазнаходжанне адшукваемага, паведаміць пра гэта па тэлефонах у г. Масты: 8-01515-33-2-33, 33-8-67, 6160045 або ў бліжэйшы аддзел міліцыі па тэл. 102.

Аддзелам унутраных справаў Мастоўскага райвыканкама ўстанаўліваецца месцазнаходжанне прапаўшага без вестак Крывец Рыгора Міхайлавіча, 25.08.1933 года нараджэння, пражываўшага ў г. Масты, вул. Пяскоўская,50, які 8.07.2009г. выехаў з двара дома на веласіпедзе сіняга колеру ў лясны масіў, размешчаны за в. Ляда, Мастоўскага раёна для высечкі ядлоўцу на кошыкі, і да цяперашняга часу яго месцазнаходжанне невядома.
Яе прыкметы: на выгляд 75 гадоў, сярэдняга росту, хударлявага целаскладу, плечы апушчаныя, твар бледны, вочы вялікія, нос прамы прыплюснуты, вушы вялікія трохвугольныя, валасы прамыя сівыя.
Быў апрануты: скураная кепка з казырком карычневага колеру, пінжак цёмнага колеру, штаны сіняга колеру, кашуля ў клетку бардовага колеру, гумовыя боты чорнага колеру.
Веласіпед сіняга колеру з закрытай рамай, якая была пацёртая, на рулі былі гумовыя ручкі, правая з якіх абарваная, сядло скураное карычневага колеру, задні балотнік нікеліраваны, багажнік нікеліраваны, пад сядлом веласіпеда вісеў ланцуг карычневага колеру даўжынёй прыкладна 40-50 см. з замком шэрага колеру кітайскай вытворчасці.
Просім грамадзян, якія наведваюць лясны масіў і займаюцца паляваннем, рыбалкай, высечкай лесу, пры знаходжанні адзення, скелітаваных астанкаў чалавека, веласіпеда, падобнага да ўказанага, а таксама калі вам вядома любая інфармацыя, якая датычыцца абставінаў знікнення Крывец Р.М., просба паведаміць па тэлефонах у г. Масты: 8-01515-33-2-33, 33-8-67, 8-029-6160045 або ў бліжэйшы аддзел міліцыі па тэл. 102.

Аддзелам унутраных справаў Мастоўскага райвыканкама ўстанаўліваецца месцазнаходжанне прапаўшага без вестак непаўналетняга Панімаш Уладзіслава Адамавіча, 23.12.1999 года нараджэння, пражываючага ў г. Масты, вул. Валковіча, 9/11, вучня 3 класа гімназіі №1, які 8.02.2009 года ў 17 гадзін 30 хвілін пайшоў з дому 9/11 па вул. Валковіча, г. Масты і да цяперашняга часу яго месцазнаходжанне невядома.
Панімаш В. быў апрануты ў чорную вязаную шапку з белай і чырвонай палоскамі, куртку цёмна-сіняга колеру, спартыўныя штаны сіняга колеру з белымі лампасамі, сіні гольф, чаравікі чорнага колеру.
Яго прыкметы: на выгляд 9-10 гадоў,рост 120-130 см., сярэдняга целаскладу, валасы прамыя цёмныя сярэдняй даўжыні,вочы карыя.
Просім грамадзян, якія што-небудзь ведаюць пра месцазнаходжанне адшукваемага, паведаміць аб гэтым па тэлефонах у г. Масты: 8-01515-33-2-33, 33-8-67, 8-029-6160045 або ў бліжэйшы аддзел міліцыі па тэл. 102.

За мінулы тыдзень зарэгістравана 1 злачынства, за адміністрацыйныя правапарушэнні да адказнасці прыцягнуты 167 чалавек, у тым ліку: 1 – за збыт самагону, 16 – за дробнае хуліганства, 26 – за з’яўленне ў нецвярозым стане або распіццё алкагольных напіткаў у грамадскіх месцах, 1 – за ўцягванне непаўналетніх у распіццё алкагольных напіткаў, 1 – за прычыненне цялесных пашкоджанняў, 1 – за дробны крадзеж, 1 бацька – за невыкананне абавязкаў па выхаванні дзяцей, 32 вадзіцелі – за парушэнне правілаў карыстання рамянямі бяспекі, 27 пешаходаў за парушэнне правілаў дарожнага руху. Затрыманы 5 вадзіцеляў за кіраванне аўтатранспартам у стане алкагольнага ап’янення.
г. Дзятлава
Развітаннем з зімовымі чаравікамі абярнулася для жыхара Дзятлава звычка пакідаць свой абутак на лесвічнай пляцоўцы ля кватэры. Гэтай бяспечнасцю скарыстаўся неўстаноўлены злачынца, які не змог не паддацца спакусе скрасці даступнае. Тым самым ён нанёс гаспадару страты на суму каля 140 тысяч рублёў. Узбуджана крымінальная справа па артыкуле “Крадзеж”.
в. Явар, г.п. Казлоўшчына
Паспяхова завяршыліся мерапрыемствы, праведзеныя супрацоўнікамі РАУС, па ўстанаўленні злачынцаў, якія скралі ў снежні 2009 года акумулятарныя батарэі з тэрыторыі майстэрняў СВК “Вензавец” у в. Явар і тэрыторыі Дзятлаўскага ПМС у г.п. Казлоўшчына.
Устаноўлена, што абодва крадзяжы ўчынілі былыя асуджаныя, непрацуючыя жыхары раёна, адзін з якіх - непаўналетні. Па артыкуле “Крадзеж (групай асобаў)” злачынцаў чакае максімальнае пакаранне ў выглядзе пазбаўлення волі на тэрмін да 4 гадоў.
А. ЦІТОЎ,
старшы інспектар РАУС.

У ходзе аператыўна-вышуковых мерапрыемстваў упраўленнем КДБ па Гродзенскай вобласці ўстаноўлена асоба маладога чалавека, які ў лістападзе 2009 года ажыццявіў “узлом” аднаго з сайтаў УА “Гродзенскі дзяржаўны універсітэт імя Я. Купалы”.
У цяперашні час у адносінах да 19-ці гадовага гродзенца ў рамках крымінальнай справы, узбуджанай УУС Гродзенскага аблвыканкама па ч.2 арт.349 КК Рэспублікі Беларусь “Несанкцыяніраваны доступ да камп’ютарнай інфармацыі”, вядзецца следства.
Дзейнічаючае заканадаўства прадугледжвае крымінальную адказнасць ад штрафа да пазбаўлення волі да двух гадоў.
АБ АТРЫМАННІ ХАБАРУ
Упраўленнем КДБ па Гродзенскай вобласці выяўлена чарговае карупцыйнае злачынства. У адносінах да адказнай асобы ААТ “Гроднажылбуд”, затрыманага ў канцы мінулага года з палічным пры атрыманні хабару ў памеры каля 8 тыс. еўра, вядзецца следства. Дадаткова ўскрыты і іншыя факты яго супрацьпраўнай дзейнасці. Затрыманаму прад’яўлена абвінавачванне па ч.3.арт.430 КК Рэспублікі Беларусь (атрыманне хабару адказнай асобай шляхам вымагальніцтва ў буйным памеры).                          

“Прамая лінія”, якую праводзіў начальнік дзяржаўтаінспекцыі Дзятлаўскага РАУС Сяргей Віктаравіч Ігнацік, дала магчымасць жыхарам Дзятлаўшчыны задаць пытанні, што асабліва іх хвалююць і патрабуюць неадкладнага вырашэння. Рэальную пагрозу сёння ўяўляюць п’яныя вадзіцелі, адсутнасць пешаходных пераходаў ля скрыжаванняў, траўміраванне дзяцей – гэтыя праблемы не могуць пакінуць абыякавымі ні гараджан, ні вяскоўцаў.
Н. Бранкоўская, г. Дзятлава: у нас на скрыжаванні вуліцаў Кірава і Кастрычніцкай няма ні “зебраў”, ні светлафора. Пераходзіць скрыжаванне даволі небяспечна як дарослым, так і дзецям. Ці зменіцца ў бліжэйшы час гэта сітуацыя?
С.В. Ігнацік: ваша заўвага правільная. Агляд на дадзеным скрыжаванні дрэнны. Дарожныя знакі ўстаноўлены, але гэтага недастаткова, каб стварыць бяспечную сітуацыю. Улетку (паколькі існуе залежнасць ад стану надвор’я) на праезнай частцы на дадзеным скрыжаванні будуць нанесены пешаходныя разметкі. Улічваючы інтэнсіўнасць руху транспарту ў гэтай частцы горада, мы разглядаем пытанне аб усталяванні штучных няроўнасцяў.
Жыхарка г. Дзятлава: ці праўда, што ізноў можна таніраваць шкло аўтамабіля?
С.В. Ігнацік: менавіта так, пасля шматлікіх зваротаў грамадзян з просьбай зняць абмежаванні на таніроўку шкла транспартных сродкаў, Прэзідэнтам быў падпісаны Указ № 634, які дазваляе ўдзел у дарожным руху ўсіх транспартных сродкаў з заводскай таніроўкай задняга і задняга бакавога шкла без нарміравання ступені іх святлопрапускання. Гэты дазвол не паўздзейнічае на бяспеку дарожнага руху і дазволіць увозіць і эксплуатаваць аўтамабілі замежнай вытворчасці з паніжанай ступенню святлопрапускання шкла. Падрабязней аб гэтым вы можаце прачытаць на сайце Дзятлаўскай дзяржаўтаінспекцыі па адрасе www.gai.dyatlovo.by.
Т. Заяц, г.п. Наваельня: цi абавязкова наклейваць на заднiм шкле машыны знак “Шыпы”?