Жыхары вёскі Хвінявічы Парэцкага сельскага Савета: ужо працяглы час вада ў нашай вёсцы няякасная, непрыдатная для ўжывання.Ці робяцца і як часта замеры якасці, хімічнага саставу вады, якая ўжываецца ў ежу?
Галоўны ўрач ДУ “Дзятлаўскі райЦГЭ” А. В. Малашанка:
– На працягу некалькіх гадоў вада з падземных крыніц аграгарадка Хвінявічы адказвае санітарна-гігіенічным патрабаванням па ўсіх паказчыках. Аб гэтым сведчаць пастаянныя замеры якасці і хімічнага саставу вады, за выключэннем жалеза, якое ў вызначаны час вагаецца і змяняецца. Дадзеныя лабараторнага кантролю, які праводзіўся ў парадку дзяржаўнага санітарнага нагляду за цэнтралізаваным водазабеспячэннем аграгарадка Хвінявічы, сведчаць, што ўтрыманне жалеза ў вадзе падземных крыніц дадзенага рэгіёна - гэта прыродная якасць вады. Ачышчэнне вады ад жалеза магчыма з дапамогай спецыяльнай устаноўкі для ачысткі вады непасрэдна на водазаборы або пры набыцці фільтраў для асабістага карыстання ў бытавых умовах. Таму насельніцтва мае права патрабаваць ад уладальніка водазабору падачы вады добрай якасці, г. зн. абсталявання спецыяльнай устаноўкі па ачыстцы вады.
– Кепска працуе каналізацыя ў вёсцы Хвінявічы, яна няспраўная. Каналізацыйныя воды і адходы сцякаюць у возера, што адмоўна адбіваецца на экалогіі навакольнага асяроддзя.
Старшыня СВК “Хвінявічы” В. М. Быстрыцкі:
– Каналізацыйная станцыя і помпава-ачышчальныя збудаванні знаходзяцца на балансе СВК “Хвінявічы”. Уведзеныя ў эксплуатацыю ў 1988 годзе, яны вычарпалі свой рабочы рэсурс. Цяпер падрыхтавана праектна-каштарысная дакументацыя на рэканструкцыю дадзеных сістэм. Адсутнасць фінансавых сродкаў не дазваляе СВК “Хвінявічы” распачаць будаўніча-мантажных работы па будаўніцтву помпавай станцыі і яе сістэм. У цяперашні час сцёкавыя воды, згодна графіка, адкачваюцца мабільнымі ёмістасцямі, якія ёсць у СВК “Хвінявічы”.
– Ужо неаднаразова ставілі пытанне аб няякаснай вадзе ў нашай мясцовасці. Як можна палепшыць якасць гэтай вады, якая змяшчае прымесі жалеза? Калі будзе будавацца станцыя абезжалезвання вады?                

У раёне адбыўся Адзіны дзень інфармавання насельніцтва па тэме “Новы парадак канфіскацыі (зняцця) і прадастаўлення зямельных участкаў” (Указ Прэзідэнта Рэспублікі Беларусь ад 27 снежня 2007 года №667).
Інфармацыйна-прапагандысцкая група Гродзенскага абласнога выканаўчага камітэта на чале з А.І. Алёшыным, загадчыкам аддзела па пытаннях ліквідацыі надзвычайных здарэнняў і наступстваў аварыі на Чарнобыльскай атамнай электрастанцыі камітэта па будаўніцтву, энергетыцы, транспарце і камунікацыях аблвыканкама і В.Д. Косаравым, начальнікам упраўлення капітальнага будаўніцтва аблвыканкама сустрэлася з работнікамі ВУ “Дзятлаварайгаз”. Прадстаўнікі аблвыканкама падрабязна азнаёмілі слухачоў з пытаннямі ўпарадкавання зямельнага заканадаўства ў нашай вобласці. Яны спыніліся на актуальных момантах сацыяльна-эканамічнага развіцця вобласці, расказалі пра работу падначаленых ім абласных службаў. На працягу сустрэчы члены інфармацыйнай групы адказалі на пытанні слухачоў. З тлумачэннем пэўных палажэнняў новага зямельнага законадаўства выступілі інфармацыйна-прапагандысцкія групы раённага выканаўчага камітэта. Перад насельніцтвам па месцы жыхарства выступілі групы на чале са старшынёй райвыканкама В.В. Грытчанкам, намеснікамі старшыні райвыканкама А.А. Фабішэўскай, П.І. Чырко, А.І. Пачабытам. Выступленні адбыліся ў Казлоўшчынскім, Раготнаўскім, Гезгалаўскім і Дварэцкім пасялковым і сельскіх саветах. Цікавасць выклікала выступленне інфармацыйна-прапагандысцыкай групы райвыканкама на чале з В.В. Грытчанкам ў г.п. Казлоўшчына. У гарпасялковым Доме культуры сабраліся жыхары пасёлка, а таксама работнікі СВК “Слава працы”, упраўлення меліярацыйных сістэм. Акрамя пытанняў вышэйназванай тэмы быў закрануты шэраг іншых пытанняў і праблем, на якія кіраўнікамі раённых службаў і арганізацый былі дадзены адказы. Некаторыя з іх, такія як спілоўванне аварыйных дрэваў, будаўніцтва водаправода, агранізацыя аўтобуснага маршрута ўзяты на кантроль і будуць вырашаны. Сустрэчы інфармацыйна-прапагандысцкіх груп з насельніцтвам па месцы жыхарства былі карысныя, прайшлі ў дзелавой рабочай атмасферы.
На працягу сустрэч прынялі актыўны ўдзел і выступілі перад насельніцтвам і ў працоўных калектывах спецыялісты землеўпарадкавальнай і геадэзічнай службы Дзятлаўскага раёна. Работнікі гэтай службы прынялі актыўны ўдзел у правядзенні дадзенага дня інфармавання і ў іншых сельсаветах, выступілі разам з ідэалагічным актывам на прадпрыемствах, у гаспадарках, арганізацыях.
А. МЯЦЕЛІЦА,
спецыяліст аддзела ідэалагічнай работы райвыканкама.

На некаторыя пытанні, узнікшыя падчас правядзення інфармацыйных дзён, былі дадзены адказы кіраўнікамі пэўных арганізацый і службаў раёна. Іншыя пытанні былі вырашаны падчас сустрэч, на іх былі дадзены вусныя адказы.
1. Пытанне работнікаў электрычных сетак: пры правядзенні работ па будаўніцтву і добраўпарадкаванню аграгарадка ў г.п. Казлоўшчына было выканана асфальтаванне чатырох вуліц: Валькова, Гагарына, Савецкая і Чырвонаармейская. Будаўніцтва аграгарадка ўжо завершана, а што будзе зроблена па іншых вуліцах пасёлка?
Адказ дырэктара Дзятлаўскага РУП ЖКГ Ю.П. Залеўскага: на рамонце вуліц асвоены 672 мільёны рублёў, заасфальтаваны 12,4 тысячы квадратных метраў вуліц. У далейшым пры выдзяленні бюджэтных сродкаў будуць праводзіцца работы па асфальтаванню і гравійным пакрыцці вуліц пасёлка ў 2008 годзе.

20 сакавіка ў раёне адбыўся Адзіны дзень інфармавання насельніцтва па тэме “Парадак і дысцыпліна – аснова забеспячэння бяспекі, аховы працы і эфектыўнасці сацыяльна-эканамічнага развіцця краіны” (аб ходзе выканання Дырэктывы Прэзідэнта Рэспублікі Беларусь №1 ад 11 сакавіка 2004 года).
У працоўным калектыве Казлоўшчынскага дзяржаўнага сельскагаспадарчага працоўнага ліцэю выступіла інфармацыйна-прапагандысцкая група Гродзенскага аблвыканкама ў складзе Л. А. Ермантовіча, начальніка ўпраўлення арганізацыйна-кадравай работы аблвыканкама і М. У. Ленка, начальніка абласнога ўпраўлення Дэпартамента дзяржаўнай інспекцыі працы Міністэрства працы і сацыяльнай абароны Рэспублікі Беларусь. Спецыялісты аблвыканкама падрабязна азнаёмілі прысутных з сітуацыяй у рэспубліцы, вобласці па выкананню патрабаванняў Дырэктывы №1 Прэзідэнта за прайшоўшыя чатыры гады з часу яе прыняцця. Адбылася цікавая і змястоўная размова, падчас якой спецыялісты абласных службаў далі грунтоўныя адказы на паступіўшыя пытанні.
Інфармацыйна-прапагандысцкія групы раённага выканаўчага камітэта пад кіраўніцтвам намеснікаў старшыні райвыканкама І. Р. Зубко, А. І. Пачабыта, начальніка аддзела ідэалагічнай работы райвыканкама С. П. Багдановіча, намесніка фінансавага аддзела райвыканкама Э. Я. Сташэнка, члена райвыканкама А. М. Дубовіка выступілі ў працоўных калектывах СВК “Вензавец”, ААТ “Дзятлаварамбуд”, СВК “Белагурна”, “Русь-Агра”, ААТ “Дзятлаўскі сыраробчы завод”. У складзе гэтых інфармацыйна-прапагандысцкіх груп былі кіраўнікі прадпрыемстваў, устаноў і службаў раёна, работнікі аддзелаў райвыканкама, якія выступілі па праблемах вышэйназванай тэмы, адказалі на паступіўшыя пытанні.
Сустрэчы і выступленні інфармацыйных груп па гэтых пытаннях адбыліся ў працоўных калектывах і з насельніцтвам па месцы жыхарства пры актыўным удзеле ідэалагічнага актыву пасялковых і сельскіх Саветаў дэпутатаў, сельскагаспадарчых вытворчых кааператываў.
А. МЯЦЕЛІЦА,
галоўны спецыяліст аддзела ідэалагічнай работы райвыканкама.

21 лютага ў раёне адбыўся Адзіны дзень інфармавання па тэме “Эканоміка і сацыяльная сфера: развіццё ў інтарэсах чалавека” (вынікі сацыяльна-эканамічнага развіцця рэспублікі Беларусь у 2007 годзе).
Інфармацыйна-прапагандысцкія групы райвыканкама на чале з намеснікамі старшыні І.Р. Зубко, П.І. Чырко, начальнікамі аддзелаў райвыканкама С.П. Багдановічам, Я.І. Башко, С.Б. Фабішэўскім і членамі раённага выканаўчага камітэта А. М. Кудзінавым і А.М. Дубовікам выступілі па вышэйназванай тэме ў шэрагу працоўных калектываў і перад насельніцтвам па месцы жыхарства. Сустрэчы адбыліся ў сельскагаспадарчых вытворчых кааператывах “Жукоўшчына”, “Горка”, калектывах ВУ “Дзятлаварайгаз”, прыватнага ўнітарнага прадпрыемства “Дзятлаўскі каапнарыхтпрам”, аўтакалоны аблспажыўтаварыства, раёна электрычных сетак, сыраробчага завода і гімназіі №1. У складзе сямі інфармацыйных груп,якія выступілі ў сямі працоўных калектывах, прымалі ўдзел кіраўнікі прадпрыемстваў, установаў і службаў раёна, работнікі аддзелаў райвыканкама. Яны таксама, як і кіраўнікі інфармацыйных групаў, пазнаёмілі слухачоў з асноўнымі прыярытэтнымі напрамкамі дзейнасці галін гаспадаркі раёна, адказалі на шматлікія пытанні, азнаёмілі людзей з ходам выканання планавых заданняў і вынікамі сацыяльна-эканамічнага развіцця рэспублікі, вобласці і нашага раёна за 2007 год. У ходзе сустрэч члены інфармацыйных груп райвыканкама выступілі і па другому пытанню Адзінага палітдня, прысвечанага 90-й гадавіне Узброеных Сіл Рэспублікі Беларусь, павіншаваўшы ўсіх прысутных з надыходзячым юбілеем.
Сустрэчы інфармацыйных груп па гэтых пытаннях адбыліся ў працоўных калектывах і з насельніцтвам па месцы жыхарства пры актыўным удзеле ідэалагічнага актыву пасялковых і сельскіх Саветаў дэпутатаў і сельскагаспадарчых вытворчых кааператываў. Некалькі пытанняў, якія патрабуюць часу на вырашэнне, пастаўлены на кантроль.
А. МЯЦЕЛІЦА,
галоўны спецыяліст аддзела ідэалагічнай работы райвыканкама.

2007 год стаў сур’ёзным выпрабаваннем для беларускай эканомікі і грамадства ў цэлым. Па меркаванню Прэзідэнта Рэспублікі Беларусь А. Р. Лукашэнкі, ён быў самы складаны ў гісторыі нашай дзяржавы. У студзені 2007 года значна ўзмацніліся інфляцыйна-дэвальвацыйныя чаканні ў грамадстве. Аднак нам удалося справіцца са складанасцямі пераходу да новых цэнаў на паліва і даказаць, што ў Беларусі ўстойлівы рост ВУП. У аснове дасягнутых высокіх вынікаў ляжаць не столькі цэны на расійскую нафту і газ, колькі эфектыўная рэалізацыя дзяржаўнай эканамічнай палітыкі, якая адлюстроўвае інтарэсы народа.
У 2007 годзе нацыянальная эканоміка працягвала дынамічнае развіццё ў адпаведнасці з асноўнымі напрамкамі і прыярытэтамі Праграмы сацыяльна-эканамічнага развіцця Рэспублікі Беларусь на 2006-2010 гады. У мінулым годзе асноўны прагнозны паказчык па тэмпах росту аб’ёму валавога ўнутранага прадукта (ВУП) склаў 108,2%. Найбольшы ўклад у развіццё нацыянальнай эканомікі ўнеслі прамысловасць, сельская гаспадарка, будаўніцтва, транспарт, сувязь, гандаль, бытавое абслугоўванне.
Прадукцыйнасць працы ўзрасла на 7,7% да ўзроўню 2006 года. Рэнтабельнасць рэалізаванай прадукцыі склала 12,1%, а ў прамысловасці – 13,1%.
У 2007 годзе, у параўнанні з 2006 годам, аб’ёмы крэдытавання галін эканомікі і насельніцтва павялічыліся на 47% і дасягнулі амаль 30 трлн. руб. Аб умацаванні нацыянальнай эканомікі сведчыць значнае папаўненне казны Рэспублікі Беларусь. Золатавалютныя рэзервы краіны за год павялічыліся амаль у 3 разы і склалі каля 5 млрд. долараў ЗША.

17 студзеня ў раёне адбыўся Адзіны дзень інфармавання насельніцтва па тэме “Партнёрства дзяржавы і грамадства ва ўмацаванні сацыяльнага дабрабыту. Вынікі рэформы і ўпарадкавання льготаў”.
Інфармацыйна-прапагандысцкая група Гродзенскага аблвыканкама ў складзе чатырох чалавек на чале з намеснікам начальніка ўпраўлення ідэалагічнай работы аблвыканкама П. К. Скрабко выступіла ў гэты дзень перад жыхарамі пасёлка Гезгалы, а таксама перад прадстаўнікамі працоўных калектываў пасёлка. У мерапрыемстве прынялі ўдзел намеснік старшыні райвыканкама П. І. Чырко і начальнік аддзела ідэалагічнай работы райвыканкама С. П. Багдановіч. Адбылася змястоўная размова. Спецыялістам абласных службаў было зададзена шмат пытанняў. Прысутныя атрымалі грунтоўныя адказы.
Інфармацыйна-прапагандысція групы раённага выканаўчага камітэта на чале з намеснікамі старшыні райвыканкама І. Р. Зубко, А. А. Фабішэўскай, П. І. Чырко, начальнікам і намеснікам начальніка аддзела адукацыі райвыканкама С. Б. Фабішэўскім і А. І. Жадзейка выступілі ў працоўных калектывах СВК “Русь-Агра”, Наваельнянскага камбіната хлебапрадуктаў, РУП ЖКГ, СШ № 3 і № 1 горада Дзятлава. Падчас гэтых сустрэчаў кіраўнікі інфармацыйна-прапагандысцкіх групаў і прадстаўнікі раённых службаў праінфармавалі слухачоў па асноўных пытаннях тэмы, адказалі на пастаўленыя пытанні.
Цікавая і грунтоўная адбылася размова ў працоўным калектыве Наваельнянскага камбіната хлебапрадуктаў, дзе выступіла намеснік старшыні райвыканкама А. А. Фабішэўская, а таксама члены групы – прадстаўнікі раённых прадпрыемстваў і службаў: аддзела унутраных справаў, раённага цэнтра сацыяльнага абслугоўвання, упраўлення “Дзятлаварайгаз”, раённага ўнітарнага прадпрыемства жыллёва-камунальнай гаспадаркі. Ім задавалі разнастайныя пытанні не толькі па вышэйазначанай тэме, а і па розных бытавых праблемах. Напрыклад: пытанні наконт рамонту жылых дамоў камунальнага фонду, добраўпарадкаванне, асфальтаванне пад’ездаў да некаторых дамоў па вуліцы Дзятлаўскай. Адказы на пастаўленыя пытанні, тлумачэнні шматлікіх палажэнняў Закона Рэспублікі Беларусь “Аб дзяржаўных сацыяльных ільготах, правах і гарантыях для асобных катэгорый грамадзян” далі таксама работнікі сацыяльных службаў раёна Л. Ф. Васюкевіч, М. В. Жыдко, А. М. Навічэнкава, А. А. Луня.
Адбыліся сустрэчы з насельніцтвам па месцы жыхарства пры актыўным удзеле ідэалагічнага актыву і дакладчыкаў інфармацыйных групаў пасялковых і сельскіх выканкамаў.
Выступленні знайшлі водгук у слухачоў ва ўсіх аўдыторыях, дзе адбыліся сустрэчы па вышэйназванай тэме.
А. МЯЦЕЛІЦА,

20 снежня ў раёне адбыўся Адзіны дзень інфармавання насельніцтва па тэме: “Канкурэнтаздольнасць прадукцыі – ключавая задача бягучай пяцігодкі”.
Інфармацыйна-прапагандысцкія групы раённага выканаўчага камітэта на чале са старшынёй райвыканкама В.В. Грытчанка, старшынёй раённага Савета дэпутатаў С.В. Жульпо, намеснікамі старшыні райвыканкама П.І. Чырко, А.І. Пачабытам, начальнікам і намеснікам начальніка аддзела эканомікі райвыканкама Я.Г. Башко і І.С. Залеўскай, членам райвыканкама А.М. Дубовікам выступілі з інфармацыйнымі дакладамі па вышэйназванай тэме ў працоўных калектывах раёна і перад насельніцтвам па месцы жыхарства.
Сустрэчы адбыліся ў калектывах ДП “Дзятлаўская сельгастэхніка” (вёска Міроўшчына), Парэцкага спіртавога завода, сыраробчага завода, санаторыя “Ластаўка”, вінна-гарэлачнага завода, Дзятлаўскага райспажыўтаварыства.
Вельмі цікавае і пазнаваўчае было названае мерапрыемства сярод работнікаў райспажыўтаварыства. На ім выступілі І.С. Залеўская, а таксама намеснік начальніка раённага аддзела адукацыі А.І. Жадзейка, намеснік начальніка Дзятлаўскага РАУС Н.А. Бародзіч. Яны расказалі слухачам аб дзейнасці іх службаў у кантэксце вышэйназванай тэмы, адказалі на пытанні.
Дзелавая размова адбылася і ў калектыве Дзятлаўскай сельгастэхнікі, дзе выступілі і адказалі на пытанні старшыня райвыканкама В.В. Грытчанка і начальнік аддзела ідэалагічнай работы райвыканкама С.П. Багдановіч. У склад інфармацыйных груп райвыканкама таксама былі ўключаны кіраўнікі раённых службаў, прадпрыемстваў і арганізацый, якія грунтоўна адказалі на пытанні. Ніводнае пытанне не засталося без адказу.
А. МЯЦЕЛІЦА,
галоўны спецыяліст аддзела ідэалагічнай работы райвыканкама.

20 верасня ў раёне прайшоў Адзіны дзень інфармавання насельніцтва. Яго тэма — “Эканомія і беражлівасць — аснова энергетычнай незалежнасці і эканамічнай бяспекі Беларусі” (Дырэктыва Прэзідэнта Рэспублікі Беларусь ад 14.06.2007 года за №3).
Інфармацыйна-прапагандысцкія групы раённага выканаўчага камітэта на чале са старшынёй раённага Савета дэпутатаў С. В. Жульпо, намеснікам старшыні райвыканкама П. І. Чырко, начальнікамі аддзелаў райвыканкама С. П. Багдановічам, І. Д. Жэгалай, а таксама галоўным рэдактарам раённай газеты “Перамога” А. М. Кудзінавым выступілі з дакладам у працоўных калектывах СВК “Вензавец”, упраўлення меліярацыйных сістэм, вінна-гарэлачнага завода, Дварэцкага льнозавода і Наваельнянскага ўчастка РУП ЖКГ. У склад інфармацыйных груп таксама былі ўключаны кіраўнікі раённых прадпрыемстваў, арганізацый і службаў. Падчас выступленняў была зададзена вялікая колькасць пытанняў, прагучалі адказы на іх.
Праблема зацікавіла ўсіх прысутных, бо з’яўляецца актуальнай не толькі для нашага раёна, але і для Беларусі ў цэлым.
Аддзел ідэалагічнай работы райвыканкама.

16 жніўня 2007 года ў раёне адбыўся Адзіны дзень інфармавання насельніцтва па тэме: “Маладзёжны рух у Рэспубліцы Беларусь; канструктыўнае ўзаемадзеянне з дзяржавай і грамадствам”.
У калектыве філіяла № 407 ААБ “Беларусбанк” выступіў міністр прыродных рэсурсаў і аховы навакольнага асяроддзя Лявонцій Іванавіч Харужык, член рэспубліканскай інфармацыйна-прапагандысцкай групы. У складзе слухачоў таксама прысутнічалі прадстаўнікі калектываў Белаграпрамбанка, падаткавай інспекцыі, райваенкамата.
У чытальнай зале раённай бібліятэкі перад усім калектывам Дзятлаўскай раённай бібліятэчнай сістэмы выступілі члены інфармацыйна-прапагандысцкай групы Гродзенскага аблвыканкама ў складзе трох чалавек на чале з Ігарам Рыгоравічам Ласоўскім, намеснікам начальніка ўпраўлення жыллёва-камунальнай гаспадаркі аблвыканкама. З цікавай інфармацыяй перад бібліятэкарамі раёна выступілі У. Б. Перцаў — дырэктар рэспубліканскага ўнітарнага прадпрыемства “Радыётэлецэнтр “Тэлерадыёкампанія Гродна”, Віктар Уладзіміравіч Матвееў — галоўны інжынер рэспубліканскага ўнітарнага прадпрыемства электрычнай сувязі “Гроднааблтэлекам”. Удзельнікі абласной інфармацыйна-прапагандысцкай групы адказалі на шматлікія пытанні.
Інфармацыйныя групы райвыканкама вытупалі ў калектывах некалькіх устаноў і арганізацый, а таксама перад насельніцтвам па месцы жыхарства.
Аддзел ідэалагічнай работы райвыканкама.