“Без мінулага — няма будучыні” — сцвярджае народная мудрасць. З гэтай думкай згодны калектыў жылкамунгаса. Тут цэняць трывалыя традыцыі, у пашане ветэраны прадпрыемства. Да Дня пажылых людзей разглядаюцца і задавальняюцца заявы былых работнікаў. Па месцы жыхарства ветэранаў вытворчасці выязджаюць рамонтныя брыгады камунальнікаў, каб аказаць неабходную дапамогу. А ў 2007 годзе ў Дзень пажылых людзей для ветэранаў працы арганізацыя ладзіла сапраўднае свята (салодкі стол, экскурсія па камунгасу, музыка — усё гэта надоўга запомніцца гасцям).
Вялікая ўвага з боку кіраўніцтва і прафкам прадпрыемства камунальнай гаспадаркі надаецца спартыўнаму жыццю калектыва. Як вынік, першае месца ў раённым спаборніцтве сярод калектываў фізкультуры прадпрыемстваў, арганізацый і ўстановаў раёна. Каманда камунальнікаў атрымала дыплом райвыканкама і грашовую прэмію.
Другі год запар камунгас лідыруе ў раённым турыстычным злёце. Менавіта ў камунальнікаў сёння пераходны кубак гэтага спаборніцтва, яны настроены нікому яго не аддаваць надалей.
Як жа ўдаецца трымаць планку? Справа ў тым, што на прадпрыемстве часта ладзяцца спартыўныя спаборніцтвы па шашках, перацягванню каната, падняццю гіры. Традыцыйны стаў турыстычны злёт для калектыву РУП ЖКГ, які з кожным годам прываблівае ўсё больш людзей. Для актыўнага адпачынку ва ўрочышча Рыбакі работнікі прыязджаюць са сваімі сем’ямі. Мэта гэтага мерапрыемства — не высокія спартыўныя дасягненні, а заахвочванне людзей да масавага адпачынку на ўлонні прыроды. Дарэчы, пастаяннымі гасцямі калектыву падчас турзлёту і святаў з’яўляецца вядомая ў Беларусі і за яе межамі група “Да Вінчы”.
Пазнаёміцца з культурнымі, гістарычнымі і духоўнымі каштоўнасцямі нашай краіны камунальнікі і іх сем’і могуць падчас экскурсій. Яны пабылі ў Мінскім цырку, Жыровічах, на футбольных матчах у сталіцы. У планах — наведаць сядзібу-музей Дудукі.
Адміністрацыя і прафкам РУП ЖКГ лічаць, што наступнай буйной пакупкай, якая ўзбагаціць культурнае жыццё калектыву, стане відэакамера. Яна дазволіць здымаць стужкі падчас мерапрыемстваў і стварыць свой архіў пра работу і гісторыю жыцця жылкамунгаса.
М. ЗАХАРЭЎСКІ,
намеснік дырэктара па ідэалагічнай рабоце Дзятлаўскага РУП ЖКГ.

У 2007 годзе пачаты работы па мадэрнізацыі кацельні “Цэнтральная” ў Дзятлаве. Тут устанаўлены кацёл “Камконт” магутнасцю 3 мВт/ч з механічнай падачай паліва, які будзе працаваць на драўлянай шчапе.
Увод аб’екта ў эксплуатацыю дазволіць не толькі эканоміць, але і забяспечваць гарачай вадой круглы год шматпавярховыя жылыя дамы, падключаныя ад кацельні. А такіх — больш за палову ў горадзе. З мая 2008 года жыхары мікрараёна змогуць пастаянна карыстацца гарачай вадой, бо менавіта на гэты час запланавана здача аб’екта ў эксплуатацыю.
Для забеспячэння кацельні “Цэнтральная” палівам заключаны дагаворы на пастаўку шчапы з Дзятлаўскім лясгасам і замежным прадпрыемствам “СоліБел”.
На будаўніцтве названага аб’екта працуе фірма “Будзабеспячэнне” з г. Ліды.
І. СТЫРНІК.

Такую назву носіць Указ Прэзідэнта Рэспублікі Беларусь № 638 ад 14.12.2007 года, які ўступіў у сілу з 17 снежня 2007 года, і ў связі з якім змяніўся парадак і ўмовы прадастаўлення безнаяўных жыллёвых субсідый.
1. Згодна пункта 2.3 Указа “безнаяўныя жыллёвыя субсідыі прадастаўляюцца сем’ям (грамадзянам) пры ўмове, калі сума аплаты за камунальныя паслугі (гарачае і халоднае водазабеспячэнне, каналізацыю, газ, электрычную і цеплавую энергію, карыстанне ліфтам, вываз і абясшкоджванне цвёрдых бытавых адходаў”, вызначаная зыходзячы з устаноўленых урадам Рэспублікі Беларусь для разліку гэтых субсідый норм (нарматываў) іх спажывання, і за карыстанне жылым памяшканнем, яго тэхнічнае абслугоўванне, адлічэнняў на капітальны рамонт у межах 20 метраў квадратных агульнай плошчы на кожнага пражываючага ў жылым памяшканні члена сям’і перавышае:
20% сукупнага даходу сям’і (грамадзяніна), пражываючай (пражываючага) у горадзе, пасёлку гарадскога тыпу;
15% сукупнага даходу сям’і (грамадзяніна), пражываючай (пражываючага) ў сельскім населеным пункце.
2. Дзяржаўная падтрымка ў форме безнаяўнай жыллёвай субсідыі не прадастаўляецца:
а) сям’і (грамадзяніну), калі член сям’і (грамадзянін):
мае ў прыватнай уласнасці больш аднаго жылога памяшкання (кватэры);
здае па дагавору найму (паднайму) жылое памяшканне;
здае па дагавору арэнды іншую нерухомую маёмасць (дачу, гараж);
з’яўляецца ўласнікам маёмасці прыватнага ўнітарнага прадпрыемства, месцам дзяржрэгістрацыі (месцам знаходжання) якога з’яўляецца жылое памяшканне, у якім пражывае сям’я (грамадзянін);
здзяйсняў за кошт уласных сродкаў выяздны турызм на працягу апошніх 12 месяцаў перад датай звароту за назначэннем штомесячнай сацыяльнай дапамогі;
вучыцца ва ўстанове адукацыі за кошт уласных сродкаў;
мае зямельны ўчастак для вядзення асабістай падсобнай гаспадаркі ці калектыўнага садоўніцтва, але не выкарыстоўвае яго для атрымання сельскагаспадарчай прадукцыі (акрамя адзінокіх інвалідаў першай, другой групаў і грамадзян, якія дасягнулі 70-гадовага ўзросту);

Дзятлаўскае раённае ўнітарнае прадпрыемства жыллёва-камунальнай гаспадаркі інфармуе жыхароў г. Дзятлава і Дзятлаўскага раёна аб тым, што з уступленнем у сілу Закона
Рэспублікі Беларусь “Аб дзяржаўных і сацыяльных ільготах, правах і гарантыях для асобных катэгорый грамадзян” з 17 снежня 2007 года змяніўся парадак прадастаўлення льгот па плаце за тэхнічнае абслугоўванне і камунальныя паслугі.
1. Вызваляюцца ад платы за тэхнічнае абслугоўванне і (або) карыстанне жылым памяшканнем у межах 20 квадратных метраў агульнай плошчы займаемага жылога памяшкання:
1.1. Героі Беларусі, Героі Савецкага Саюза, а таксама Героі Сацыялістычнай Працы — удзельнікі Вялікай Айчыннай вайны, поўныя кавалеры ордэнаў Айчыны, Славы;
1.2.Інваліды Вялікай Айчыннай вайны І і ІІ груп, якія не маюць працаздольных членаў сям’і, абавязаных па закону іх утрымліваць, і жывуць адны або сумесна з жонкай (мужам),
2. Героі Беларусі, Героі Савецкага Саюза, а таксама Героі Сацыялістычнай Працы — удзельнікі Вялікай Айчыннай вайны, поўныя кавалеры ордэнаў Айчыны, Славы вызваляюцца ад платы за камунальныя паслугі (гарачае і халоднае водазабеспячэнне, каналізацыя, газ, электрычная і цеплавая энергія, вываз і абясшкоджванне цвёрдых бытавых адходаў, карыстанне ліфтамі) па ўстаноўленых заканадаўствам тарыфах (стаўках) у межах зацверджаных норм спажывання, а пражываючыя ў дамах без цэнтральнага ацяплення — ад платы за паліва, набываемае ў межах нормаў, якія ўстаноўлены для продажу насельніцтву.