Бяспечная эксплуатацыя газакарыстальнага абсталявання (прылады для гатавання ежы, нагрэву вады, ацяплення памяшканняў) залежыць ад шматлікіх фактараў. Перш за ўсё – ад выканання правілаў, змешчаных у пашпартах заводаў-вытворцаў абсталявання, таксама ад выканання патрабаванняў, выкладзеных у Правілах карыстання газам у побыце.
Асноўным дакументам на права ўжывання газакарыстальнага абсталявання з’яўляецца тэхнічны пашпарт на газіфікаваны аб’ект, які выдаецца гаспадару жылога дома работнікамі вытворчага ўпраўлення “Дзятлаварайгаз”.
Наймальнікі жылых памяшканняў або ўласнікі жылых дамоў абавязаны заключаць дагавор на пастаўку прыроднага газу з ВУ “Дзятлаварайгаз”, на выкананне тэхнічнага абслугоўвання газакарыстальнага абсталявання – з ВУ “Дзятлаварайгаз” або з іншай арганізацыяй, якая мае права на такі від дзейнасці.      

Паважаныя жыхары г. Дзятлава і Дзятлаўскага раёна!
З 1 верасня па 1 кастрычніка 2009 года вытворчым упраўленнем “Дзятлаварайгаз” праводзіцца месячнік бяспечнага карыстання газам.
За 1-е паўгоддзе 2009 года на аб’ектах газаразмеркавальнай сістэмы Рэспублікі Беларусь зафіксаваны адзін інцыдэнт - пашкоджанне газаправода. Падчас карыстання газам у хатніх умовах - 13 здарэнняў, у якіх пацярпелі 19 чалавек, у тым ліку са смяротным зыходам - 2 чалавекі. Па характары здарэнняў вылучаюцца наступныя: пажары - 8, атручванні ўгарным газам - 3, выбухі газапаветранай сумесі - 2.
З гэтай нагоды нагадваем вам пра некаторыя меры перасцярогі падчас карыстання газам.
Забараняецца:
•дапускаць да карыстання газавымі плітамі дзяцей да 12 гадоў, іншым газакарыстальным абсталяваннем - дзяцей да 14 гадоў, асобаў у стане алкагольнага або наркатычнага ап’янення, а таксама людзей, якія не прайшлі інструктаж і не ведаюць правілы карыстання такім абсталяваннем;    

Мы прывыклі да тых зручнасцяў, якія дае нам прыродны газ. Але часам бестурботна ставімся да сваёй бяспекі і сваіх родных. Мы забываем, што “блакітнае паліва” не толькі прыносіць карысць і стварае максімальна камфортныя бытавыя ўмовы, але і тоіць смяротную небяспеку. Атруціўся вуглякіслым газам, атрымаў тэрмічныя апёкі, загінуў пры пажары… Толькі ў мінулым годзе ў краіне было 17 бытавых здарэнняў, звязаных з выкарыстаннем газу: 8 пажараў, 1 выбух у летняй кухне дома, 8 атручванняў. З 38 ахвяраў 8 – са смяротным зыходам. Практычна ўсе загінуўшыя атруціліся прадуктамі згарання чаднага газу. У канцэнтрацыі з паветрам (дастаткова аднаго працэнта) ён смяротна небяспечны для чалавека.
Адна з самых распаўсюджаных прычын няшчасных выпадкаў – засмечванне дымаходаў.
Студзень 2007 года. У Брэсце, у жылым доме з праточнымі газавымі калонкамі тры чалавекі загінулі з-за таго, што канструкцыяй воданагравальнай апаратуры не было прадугледжана аўтаматычнае адключэнне. Не было цягі, а вентыляцыйны канал забіла пробкай з мінваты. Прычына – мясцовае ЖРЭА не правяло планавую праверку дымаходу.
У верасні мінулага года ў Калінкавічах 4 чалавекі атруціліся чадным газам, два з іх – загінулі. Зноў у калонцы не было аўтаматыкі, а дымаход забіты.

4 снежня 2007 года ўступілі ў сілу “ Правілы карыстання газам у быту”, зацверджаныя Пастановай Савета Міністраў Рэспублікі Беларусь № 1539 ад 19 лістапада 2007 года.
Вытворчае упраўленне “ Дзятлаварайгаз” просіць жыхароў раёна для выканання патрабаванняў па захаванню бяспекі пры карыстанні газам у быту азнаёміцца з дадзенымі Правіламі.
АГУЛЬНЫЯ ПАЛАЖЭННІ
Дадзеныя Правілы устанаўліваюць патрабаванні па захаванню бяспекі пры карыстанні газам у быту.
Патрабаванні дадзеных Правілаў абавязковыя для наймальнікаў жылых памяшканняў , уласнікаў жылых і ( або) нежылых памяшканняў, уласнікаў жылых дамоў і ( або) іх прадстаўнікоў, упаўнаважаных асобаў, упраўляючых, газазабяспечваючых арганізацый, арганізацый, якія ажыццяўляюць тэхнічнае( сервіснае) абслугоўванне газавыкарыстоўваючага абсталявання, эксплуатацыю жыллёвага фонду,праверку і абследаванне дымавых і вентыляцыйных каналаў.
1. Асноўнымі дакументамі на карыстанне газам з’яўляюцца дагаворы аб газазабеспячэнні і тэхнічным абслугоўванні газавыкарыстоўваючага абсталявання.
Дагаворы аб газазабяспячэнні заключаюцца паміж газазабяспечваючымі арганізацыямі і наймальнікамі жылых памяшканняў , уласнікамі жылых і ( або ) нежылых памяшканняў, уласнікамі жылых дамоў і ( або) іх прадстаўнікамі , упаўнаважанымі асобамі,упраўляючымі, арганізацыямі , якія ажыццяўляюць эксплуатацыю жыллёвага фонду.
Дагаворы на тэхнічнае абслугоўванне газавыкарыстоўваючага абсталявання заключаюцца паміж газазабяспечваючымі арганізацыямі або арганізацыямі, якія заключылі дагаворы з газазабяспечваючымі арганізацыямі аб супрацоўніцтве і выкананні ўказаных работ, і наймальнікамі жылых памяшканняў , уласнікамі жылых і (або) нежылых памяшканняў, уласнікамі жылых дамоў і (або) іх прадстаўнікамі, упаўнаважанымі асобамі, упраўляючымі, арганізацыямі, якія ажыццяўляюць эксплуатацыю жыллёвага фонду.

Мы так прывыклі да тых выгодаў, якія дае прыродны газ, што часам грэбуем сваёй бяспекай і сваіх блізкіх. Мы забываемся, што “блакітнае паліва” не толькі прыносіць карысць і стварае максімальна камфортныя бытавыя ўмовы, але і хавае ў сабе смяротную небяспеку. Толькі ў мінулым годзе пры неасцярожным выкарыстанні газу адбылося 14 здарэнняў, у якіх загінулі 17 чалавек. Гэта таму, што кватэранаймальшчыкі і ўласнікі кватэр парушаюць Правілы карыстання газам у быту, а таксама патрабаванні Правілаў тэхнічнай бяспекі ў галіне газазабеспячэння Рэспублікі Беларусь.
Адна з самых распаўсюджаных прычын няшчасных выпадкаў – засмечванне дымаходаў. У лютым мінулага года ў горадзе Баранавічы Брэсцкай вобласці ад атручвання чадным газам загінулі пяць чалавек і яшчэ трое пацярпелі. Тады з–за адсутнасці цягі ў дымавым канале чадны газ назапасіўся адразу ў чатырох кватэрах. У выніку стала вядома, што трагедыя адбылася не толькі па віне жыхароў. Супрацоўнікі ЖЭСа гэтага дома праводзілі праверку дымавых і вентыляцыйных каналаў самі, без прыцягнення спецыялізаванай арганізацыі. Але выявіць парушэнні ў сістэме адводу прадуктаў згарання можа толькі спецыяліст.
Яшчэ адзін выпадак быў у сакавіку 2006 года. У пасёлку Прылукі Мінскага раёна чадным газам атруціліся тры чалавекі – перад выкарыстаннем воданагравальніка жыхары не праверылі цягу ў дымаходзе. Як выявілі, дымаход быў засмечаны.
Здавалася б, не цяжка паднесці запалены запалак да каўпака газавага прыбора і праверыць наяўнасць цягі? Бо невялікі працэнт чаднага газу (усяго толькі 1-2) у памяшканні смяротны. Для назапашвання такой колькасці чаднага газу патрэбна зусім няшмат: пры недастатковым паветраабмене полымя гарэлак выпальвае кісларод, яго становіцца недастаткова для нармальнай работы гарэлак, газ згарае не поўнасцю, у выніку чаго і ўтвараецца “нябачны забойца” – вокіс вугляроду (СО), або чадны газ.
У зімовы час ёсць яшчэ адна небяспека: абмярзанне і ледзяная закупорка дымаходаў. У студзені мінулага года ў Віцебску па гэтай прычыне ў выніку атручвання чадным газам загінулі тры чалавекі. Вынікі расследавання паказалі, што вінаватым быў не толькі няспраўны дымаход: да трагедыі прывяло і парушэнне ўласнікамі дома правілаў бяспекі.
На жаль, людзі часта грэбуюць патрабаваннямі правілаў, не задумваючыся пры гэтым, што ставяць пад пагрозу самае каштоўнае – жыццё.
А каб гэтага не здарылася, захоўвайце наступныя правілы:
- правярайце адсутнасць засмечванняў у дымаходах і вентыляцыйных каналах, іх герметычнасць і адасобленасць, спраўнасць агалоўкаў і наяўнасць нармальнай цягі;
- не перастаўляйце самавольна газавае абсталяванне;
- не забудоўвайце ўводныя газаправоды з адключаючымі ўстройствамі;
- не пакідайце без нагляду працуючыя газавыя прыборы;
- не прымяняйце агонь для выяўлення ўцечак газу ў газаправодах і газавых прыборах;
- не карыстайцеся няспраўнымі газавымі прыборамі;
- не карыстайцеся праточнымі воданагравальнікамі ў выпадку адсутнасці цягі ў дымаходзе;
- не закрывайце рашоткі вентыляцыйных каналаў;
- не рамантуйце самастойна газавыя прыборы.
Неабходна ведаць, што праверкі і агляды дымавых і вентыляцыйных каналаў павінны праводзіць спецыялізаваныя арганізацыі з удзелам уласнікаў жылых дамоў. Вынікі афармляюцца адпаведным актам. Толькі своечасовае і граматнае тэхнічнае абслугоўванне ўнутрыдамавога газавага абсталявання, праводзімае прадпрыемствамі газавай гаспадаркі, можа папярэдзіць няшчасныя выпадкі ў быту і гарантаваць бяспеку. На жаль, некаторыя жыхары не прадастаўляюць доступ у кватэры і дамы для правядзення гэтых работ. У гэтым выпадку аб адмове інфармуюцца мясцовыя выканаўчыя органы і МНС.