Калегія Камітэта дзяржаўнага кантролю Гродзенскай вобласці падвяла вынікі работы за 2009 год і вызначыла задачы па павышэнні яе эфектыўнасці ў 2010 годзе.
Камітэтам былі праведзены 462 праверкі, 49,3% да мінулага года. Накладзена адміністрацыйных спагнанняў на агульную суму 5190,8 млн.рулёў (182,1%), у тым ліку на суб’екты прадпрымальніцкай дзейнасці – 4872,5 млн. рублёў, на фізічных асобаў – 318,3 млн. рублёў. Спагнана ў бюджэт і накіравана ў даход дзяржавы грашовых сродкаў на суму 30567,4 млн. рублёў (374,1%); з’эканомлена, прадухілена выплат дзяржаўных сродкаў на суму 4784,4 млн. рублёў (341,2%). Пастаўлена на ўлік асноўных сродкаў на суму 27,3 млрд. рублёў. Па фактах выяўленых парушэнняў прыцягнуты да адміністрацыйнай адказнасці ў выглядзе штрафаў 1132 чалавекі на суму 318,3 млн. рублёў. Вызвалены ад займаемых пасадаў 70 чалавек, у тым ліку 33 кіраўнікі, узбуджана 116 крымінальных справаў (143,2%), з якіх 45 – у адносінах да кіраўнікоў.
На асобным кантролі знаходзіліся пытанні выканання органамі дзяржаўнай улады і кіравання Указаў, распараджэнняў і даручэнняў Прэзідэнта Рэспублікі Беларусь, мерапрыемстваў Дзяржаўных рэспубліканскіх і рэгіянальных праграм, рэсурса- і энергазберажэнняў, рэгіянальнага выкарыстання бюджэтных сродкаў і дзяржаўнай маёмасці.
Прыняты меры па ўдасканаленні работы са зваротамі грамадзян. На прыёме ў Камітэце было прынята 1353 чалавекі, паступілі 1215 пісьмовых зваротаў. Арганізавана 64 “Прамыя лініі”.
У якасці прыярытэтных накірункаў работы ў 2010 годзе вызначаны наступныя задачы:
- кантроль за безумоўным выкананнем у галіне параметраў сацыяльна-эканамічнага развіцця і рашэннем пытанняў, звязаных з эканамічнай бяспекай, якасцю вырабляемай прадукцыі і выконваемых работ, паслугаў (мінімізацыя імпарта, насычынне спажывецкага рынку айчыннымі таварамі і інш.);    

З 1 студзеня 2010 года ўступіў у сілу Указ Прэзідэнта Рэспублікі Беларусь ад 16 кастрычніка 2009 года №510 “Аб удасканаленні кантрольнай (нагляднай) дзейнасці ў Рэспубліцы Беларусь”, які рэгламентуеновы парадак правядзення праверак.
28 снежня 2009 года ў Камітэце дзяржкантроля Гродзенскай вобласці быў праведзены семінар-нарада з удзелам 53 кантралюючых і наглядных органаў рэгіёна па пытаннях правядзення праверак у рамках Указа №510. Разгеледжаныя асноўныя новаўвядзенніў арганізацыі ажыццяўлення праверак, пытанні каардынацыі кантрольнай дзейнасці.
У адпаведнасці з Уаказам Камітэтам дзяржаўнага кантролю Рэспублікі Беларусь апублікаваны спіс прадпрыемстваў, арганізацый і індывідуальных прадпрымальнікаў, якія будуць правераны кантралюючымі органамі ў першым паўгоддзі 2010 года. На Інтэрнэт-сайце Камітэта (www.kgk.gov.by) размешчаны каардынацыйныя планы кантрольнай (нагляднай) дзейнасці, у якія ўключаны ўсе планавыя праверкі. У прыватнасці, па Гродзенскай вобласці намечаны праверкі больш 4300 суб’ектаў гаспадарання.
Згодна патрабаванням Указа такія планы будуць фарміравацца на паўгоддзе. Кожны кантралюючы і наглядны орган самастойна зацвярджае планы праверак, выпіскі з якіх накіроўвае ў Камітэт дзяржкантролю той вобласці, дзе правяраемы суб’ект пастаўлены на ўлік у якасці падаткаплацельшчыка. На падставе атрыманай інфармацыі камітэты дзяржкантролю фарміруюць каардынацыйныя планы адпаведнай вобласці.          

Слонімскім міжраённым аддзелам упраўлення Дэпартамента фінансавых расследаванняў Камітэта дзяржаўнага кантролю Рэспублікі Беларусь па Гродзенскай вобласці падведзены вынікі работы за 2009 год. Аддзел абслугоўвае ў аператыўна-службовых адносінах тры раёны: Слонімскі, Дзятлаўскі і Зэльвенскі. На тэрыторыі абслугоўвання зарэгістраваны больш трох тысяч суб’ектаў гаспадарання. У адпаведнасці з патрабаваннямі дзеючага заканадаўства, перад органамі фінансавых расследаванняў (фінансавай міліцыяй) пастаўлены наступныя задачы:
- абарона інтарэсаў грамадства і дзяржавы ад злачынных і іншых замахаў у эканамічнай сферы, забеспячэнне эканамічнай бяспекі Рэспублікі Беларусь;
абарона інтарэсаў і правоў грамадзян Рэспублікі Беларусь, замежных грамадзян і асобаў без грамадзянства і арганізацый у эканамічнай сферы;
- прафілактыка, выяўленне і прыпыненне правапарушэнняў, злачынстваў і адміністрацыйных правапарушэнняў у эканамічнай дзейнасці, у тым ліку карупцыйных правапарушэнняў;
- правядзенне папярэдняга следства і дазнання па крымінальных справах, вядзенне адміністрацыйнага працэсу ў адпаведнасці з іх кампетэнцыяй;
у 2009 годзе фінансавай міліцыяй праведзены 62 выніковыя праверкі, фактычна паступілі ў бюджэт з прад’яўленых да ўплаты дадатковых плацяжоў, апісаных, арыштаваных таварна-матэрыяльных каштоўнасцяў, спагнаных адміністрацыйных штрафаў і вернута стратаў па заканчэнні крымінальных справаў 404 млн. рублёў, выяўлены 19 злачынстваў, у тым ліку 4 злачынствы супраць інтарэсаў службы.
Да адміністрацыйнай адказнасці прыцягнуты 28 чалавек. Закончана перадачай пракурору для накіравання ў суд 7 крымінальных справаў у адносінах да 9 абвінавачваемых. Па крымінальных справах накладзены арышты на маёмасць і грашовыя сродкі ў суме 573 млн. рублёў.
Для найбольш тыпічных парушэнняў, устаноўленых супрацоўнікамі аддзела ў ходзе ажыццяўлення аператыўна-службовай дзейнасці, можна назваць такія, як выкарыстанне юрыдычнымі і фізічнымі асобамі рэквізітаў ілжэпрадпрымальніцкіх структур пры ажыццяўленні прадпрымальніцкай дзейнасці, перавозка, захоўванне нехарчовай спіртаўтрымліваючай прадукцыі, выраб заведама несапраўдных дакументаў у выглядзе даведак аб заработнай плаце, прадастаўленых работнікамі прадпрыемства ў банкі з мэтай атрымання крэдыту, незабеспячэнне службовымі асобамі суб’ектаў гаспадарання, устаноўленага парадку захоўвання і расходавання гаруча-змазачных матэрыялаў, продаж алкагольнай прадукцыі, тытунёвых вырабаў непаўналетнім.                            

Камітэтам дзяржаўнай бяспекі сумесна з Гродзенскім упраўленнем ДУБОПіК МУС выяўлены факты перавышэння службовых паўнамоцтваў кіраўніцтвам адкрытага акцыянернага таварыства “Лідахлебапрадукт”, дзейнасць адказных асобаў якога не адпавядала патрабаванням нарматыўна-прававых дакументаў і Дырэктывы Прэзідэнта Рэспублікі Беларусь ад 14.06.2007 №3 “Эканомія і беражлівасць – галоўныя фактары эканамічнай бяспекі дзяржавы”.
Вынікі праверак ААТ “Лідахлебапрадукт” КДК па Гродзенскай вобласці і КРУ Міністэрства сельскай гаспадаркі і харчавання, , ініцыіраваных Камітэтам дзяржаўнай бяспекі сведчаць аб упушчэннях у арганізацыі гаспадарчай дзейнасці ААТ, якія выяўлены ў нямэтавым выкарыстанні сродкаў рэспубліканскага бюджэту, неэфектыўным выкарыстанні ўласных сродкаў і крэдытаў камерцыйных банкаў. Па папярэдніх ацэнках спецыялістаў, у выніку супрацьпраўных дзеянняў пры закупцы збожжа ў перыяд са жніўня 2008 па красавік 2009 г.г. ААТ “Лідахлебапрадукт” нанесена страта ў памеры каля 800 млн. рублёў.
У ходзе расследавання высветлілася, што пасля выканання дзяржаўнага заказа на нарыхтоўцы збожжа кіраўніцтва акцыянернага таварыства адмаўлялася купляць лішкі ўраджаю ў сельскагаспадарчых прадпрыемствах сваёй сыравіннай зоны, спасылаючыся на адсутнасць свабодных складскіх памяшканняў. Гаспадаркам нічога не заставалася, як, нягледзячы на забарону Мінсельгасхарчу, прадаваць збожжа камерцыйным структурам, якія, як пасля стала вядома, па папярэдняй дамоўленасці з кіраўніцтвам ААТ ім жа і рэалізоўвалі набытае збожжа, але ўжо па больш высокай цане. Такім чынам, аптовая надбаўка, якая па закону не павінна перавышаць 5 працэнтаў, завышалася імі да 50 працэнтаў. Таксама, згодна ўмовам заключаных дагавораў, перапрацоўшчыкі павінны былі кампенсаваць камерсантам расходы па транспартыроўцы – больш 318 мільёнаў рублёў. На самай жа справе пастаўкі ажыццяўляліся па ўмовах транзіту, без затратаў на транспартыроўку і захоўванне тавараў.
Упраўленнем КДБ па Гродзенскай вобласці ўзбуджана крымінальная справа па ч.3 арт.426 КК Рэспублікі Беларусь (перавышэнне ўлады ці службовых паўнамоцтваў) у адносінах кіраўнікоў ААТ “Лідахлебапрадукт”. Вядзецца следства, у ходзе якога не выключана верагоднасць прыцягнення да адказнасці і іншых асобаў, якія ўдзельнічалі ў рэалізацыі злачыннай схемы.
Прэс-служба Упраўлення КДБ Рэспублікі Беларусь па Гродзенскай вобласці.

Рознічны тавараабарот, уключаючы грамадскае харчаванне, праз усе каналы рэалізацыі ў студзені-лістападзе 2009 года склала 5398,4 млрд. рублёў, што ў параўнанні з аналагічным перыядам 2008 года больш на 3,5 %.
Разам з тым, прагнозныя паказчыкі тэмпаў росту тавараабароту не выкананы (103,5 % пры прагнозе 116,5 %). Не дасягнулі ўзроўню мінулага года Бераставіцкі (82,9 %), Гродзенскі (94,3 %), Астравецкі (90,5 %), Ашмянскі (96,1 %), Смаргонскі (97,3 %) раёны.
Рознічны тавараабарот арганізацый Гродзенскага аблспажыўсаюза за 11 месяцаў 2009 года склаў 606,7 млрд. рублёў, тэмпы росту тавараабароту ў супастаўляльных цэнах – 100,5 %. Не дасягнулі мінулагодняга ўзроўню тавараабароту 9 з 17 раённых спажывецкіх таварыстваў – Бераставіцкае, Воранаўскае, Гродзенскае, Зельвенскае, Карэліцкае, Навагрудскае, Астравецкае, Свіслацкае і Смаргонскае.
У студзені-кастрычніку ў Гродзенскай вобласці 45 гандлюючых арганізацый дзяржаўнай і з доляй дзяржаўнай уласнасці не выканалі прагнозны паказчык па тэмпах росту рознічнага тавараабароту, з якіх 23 не дасягнулі ўзроўня мінулага года.
праверкі прадпрыемстваў гандлю, якія не дасягнулі леташняга ўзроўню тавараабароту паказалі, што адной з прычын зніжэння тавараабароту з’яўляецца нездавальняючы ўзровень арганізацыі гандлю. Усяго за 11 месяцаў 2009 года Камітэтам было праверана 254 аб’екты гандлю і грамадскага харчавання, 136 суб’ектаў прадпрымальніцкай дзейнасці. У ходзе праверак выяўлены парушэнні заканадаўства, у тым ліку невыкананне патрабаванняў па якасці рэалізуемых тавараў — 147, парушэнні санітарных правілаў і нормаў –56, непрадастаўленне пакупніком неабходнай і дакладнай інфармацыі аб таварах –78, парушэнні дысцыпліны цэнаў –48, адсутнасць ў перачні тавараў, якія прадугледжаны асартыментам — 44 і іншых.
Па выніках праверак за дапушчаныя парушэнні да адміністрацыйнай адказнасці далучана 73 суб’екты прадпрымальніцкай дзейнасці і 465 адказных асобаў у выглядзе штрафаў на суму звыш 329 млн. рублёў.
Да дысцыплінарнай адказнасці прыцягнуты 395 чалавек, у тым ліку вызвалена ад займаемай пасады –27. Пазбаўлена ліцэнзіі на права рознічнага гандлю 5 суб’ектаў прадпрымальніцкай дзейнасці.
Служба інфармацыі Камітэта дзяржкантроля.

дзяржаўнага кантролю Гродзенскай вобласці выяўлены праблемы з прасоўваннем тавараў айчыннай вытворчасці ў стацыянарнай гандлёвай сетцы і на рынках.
Згодна статыстычных дадзеных, удзельная вага рэалізацыі тавараў айчыннай вытворчасці за 11 месяцаў 2009 года узрасла на 0,4% і склала 87,1%. У тым ліку харчовых тавараў – 91%, нехарчовых тавараў – 81,6%.
Прымаемыя органамі выканаўчай улады меры недастаткова эфектыўны, паколькі ў ходзе штодзённага маніторынга і праверак гандлёвай сеткі выяўляюцца факты нездавальняючай арганізацыі гандлю таварамі айчыннай вытворчасці і парушэнні правілаў гандлю.
Камітэтам былі ўскрыты факты прыарытэтнага гандлю замежных тавараў у сетцы гандлёвых аб’ектаў “Эдэльвейс” г. Гродна, ЧУП “ЭдэльвейсІнтэрнетГандль”, магазіне “Гаспадар” г. Ліда, ААТ “Магазін №22 “Спадарожнік”, “Западны” ЧУП “Харгчгандль №1” г. Шчучын, універсам “Алмі” г. Гродна.
Для прыняцця мераў па ўстаненню недахопаў па арганізаццыі гандлю айчыннымі таварамі Камітэтам накіраваны 12 інфармацый у Гродзенскі абласны, гарадскі, Іўеўскі і Лідскі райвыканкамы. Для 9 суб’ектаў прадпрымальніцкай дзейнасці на пасяджэнні выканкамаў вынесены пытанні аб прыпыненні дзейнічання ліцэнзіі на дазвол рознічнага гандлю, 24 суб’екты папярэджаны аб прыняцці аналагічных мераў у выпадках паўторнага выяўлення недахопаў.

АБ СІТУАЦЫІ З ЗАПАСАМІ ПРАДУКЦЫІ НА ПРАДПРЫЕМСТВАХ ВОБЛАСЦІ
Сітуацыя са складскімі запасамі гатовай прадукцыі на прадпрыемствах застаецца складанай і нестабільнай. Па стану на пачатак студзеня 2009 года аб’ём запасаў гатовай прадукцыі склаў 612,5 млрд. рублёў ці 73,5% да сярэднемесячнага аб’ёма вытворчасці.
На шэрагу прадпрыемстваў (РУП “Гродгандльмаш”, ААТ “Лакакраска”, ААТ “Белкард”, ААТ “Навагрудскі завод газавай апаратуры” і іншых) затаваранасць складоў перавышае нарматывы. Значныя астаткі гатовай прадукцыі скапіліся на прадпрыемствах лёгкай прамысловасці (223,6%), шкляной і фарфарава-фаянсавай (206,3%), машынабудавання і металаапрацоўкі (149,2%).
Некаторыя суб’екты гаспадарання, вырашыў праблему разгрузкі складоў, не прынялі пэўных мераў па прадухіленню неплацяжоў.
На калегіі Камітэта дзяржкантролю з удзелам мясцовых дзяржаўных органаў і суб’ектаў гаспадарання былі разгледжаны вынікі кантролю за ходам выканання даручэння Главы дзяржавы па скарачэнні складскіх запасаў прадпрыемствамі рэгіёна.
Адзначана, што ў вобласці не забяспечваецца пэўная каардынацыя работы ў дадзеным накірунку і рашэнню праблемных пытанняў прадпрыемстваў і арганізацый. Вызначаны дзейныя меры па скарачэнні складскіх запасаў, зніжэння сабекошту выпускаемай прадукцыі з мэтай павышэння канкурэнтаздольнасці, павышэння якасці, абнаўлення і пашырэння асартыменту, правядзення рэкламных кампаній і інш.
Маніторынгі па дадзеных пытаннях будуць працягнуты.
Служба інфармацыі Камітэта дзяржкантролю.

Калегіяй Камітэта дзяржкантролю разгледжаны вынікі аналіза развіцця прыдарожнага сэрвісу ў рэгіёне. Адзначана, што адпаведных сучасным патрабаванням аб’ектаў прыдарожнага сервісу ў вобласці недастаткова. Шэраг з іх аднесены і лічыцца ў Пераліку аб’ектаў прыдарожнага сэрвісу неабгрунтавана.
З 143 аб’ектаў 86 (59%) размешчаны ў населеных пунктах, у тым ліку 50 гандлёвых аб’ектаў, 18 аб’ектаў грамадскага харчавання і 18 АЗС. Рэжым работы і асартымент рэалізуемых тавараў у магазінах, аднесеных да аб’ектаў прыдарожнага сэрвісу, нічым не адрозніваўся ад звычайных гандлёвых аб’ектаў. Тавары для аўтааматараў у іх не прадаваліся. У пунктах тэхнічнага абслугоўвання аказваюцца паслугі толькі па шынамантажу. На аўтадарогах адсутнічаюць пункты медыцынскай дапамогі.
Органамі выканаўчай улады не прымаюцца дзейсныя меры па далучэнні да гаспадарчага абароту невыкарыстоўваемых будынкаў і пабудоваў, якія знаходзяцца ля аўтамабільных дарог, у тым ліку перададзеных у камунальную ўласнасць былых пастоў ДАІ ў Ваўкавыскім, Гродзенскім і Смаргонскім раёнах.
З абследаваных Камітэтам 36 магазінаў і пунктаў грамадскага харчавання 25(70%) пунктаў грамадскага харчавання не адпавядалі агульным патрабаванням Палажэння аб парадку размяшчэння, архітэктурнага афармлення і абсталявання аб’ектаў прыдарожнага сэрвісу на аўтадарогах агульнага карыстання. Ні адзін з правераных аб’ектаў грамадскага харчавання спажывецкай кааперацыі не адпавядаў агульным патрабаванням. На аб’ектах прыдарожнага сэрвісу Бераставіцкага, Астравецкага райспажыўтаварыстваў адсутнічалі светлавыя вывескі, рэламныя ўказальнікі, плацёжныя тэрміналы, таксафоны і інш. Размешчаныя ўздоўж дарог пляцоўкі адпачынку знаходзяцца ў нездавальняючым эстэтычным і санітарным стане.  

На калегіі Камітэта дзяржаўнага кантролю Гродзенскай вобласці разгледжаны вынікі праверкі эфектыўнасці работы прадстаўнікоў дзяржавы ў органах кіравання гаспадарчых таварыстваў, акцыі (долі ва ўстаноўленых фондах) якія належаць Рэспубліцы Беларусь ці адміністрацыйна-тэратарыяльным адзінкам, па абароне дзяржаўных інтарэсаў. У Гродзенскай вобласці налічваецца 171 адкрытае акцыянернае таварыства з доляй дзяржавы ва статутным фондзе, у тым ліку ў 123 доля дзяржавы складае 50% (у 79 з іх – больш 90%).
Праверка паказала, што органамі, якія ажыццяўляюць ўладальніцкі нагляд, не прымаюцца пэўныя меры па кантролю за работай прадстаўнікоў дзяржавы, не заўсёды выконваецца ўстаноўлены парадак іх назначэння, што прыводзіць да парушэнняў заканадаўства. Так, у органах кіравання ААТ “Гродна Рамбыттэхніка” ААТ “Гроднатэамантаж” быў назначаны толькі адзін прадстаўнік дзяржавы. У некаторых акцыянерных таварыствах паўнамоцтвы прадстаўнікоў дзяржавы выконвалі асобы, якія не прайшлі навучанне.          

Вынікі праверкі мэтавага і эфектыўнага выкарыстання сродкаў, выдзеленых на фінансаванне работ па капітальнаму рамонту жыллёвага фонду і абслугоўвання аб’ектаў добраўпарадкавання ў г. Гродна, разгледжаны на пасяджэнні калегіі Камітэта дзяржаўнага кантролю Гродзенскай вобласці. Адзначана нездавальняючая работа аб’яднанага ўнітарнага вытворчага прадпрыемства “Гродзенскае гарадское ЖКГ” і Гродзенскага гарвыканкама. Праверкай выяўлены факты адсутнасці абгрунтаваных разлікаў фінансавання капітальнага рамонту жылфонду, парушэнні тэрмінаў яго правядзення, завышэнні аб’ёмаў і кошту выкананых работ, незаконнага атрымання сродкаў з бюджэту.
Мелі месца выпадкі, калі тытульныя спісы аб’ектаў капрамонту фарміраваліся без забеспячэння рэальнымі крыніцамі фінансавання. У выніку іх карэктыровак у 2008 годзе тытульныя спісы па бюджэту пераглядаліся 6 разоў, па адлічэннях грамадзян – 7 разоў.
Гэтыя парушэнні пацягнулі павелічэнне тэрмінаў выканання работ, паслужылі прычынай нездавальняючага стану і росту затратаў на ўзнаўленне тэхнічных і спажывецкіх якасцяў жылфонду. Па шэрагу дамоў 1959-1960 гадоў пабудовы, якія не ўключаліся ў тытульныя спісы, міжрамонтныя тэрміны перавышаны ў 2-3 разы. Аналагічная сітуацыя адзначана і на аб’ектах, якія ўключаны ў тытульныя спісы 2008 і 2009 гадоў, патрабуюць капітальнага рамонту, дзе работы не праводзіліся.
Адзначана адсутнасць належнага кантролю за эканомным выкарыстаннем бюджэтных сродкаў. У выніку фінансавання ў 2008 годзе аб’ектаў капітальнага будаўніцтва нежылога фонду без прыгягнення сродкаў уласнікаў, за якімі зарэгістравана частка нерухомай маёмасці, гарадскі бюджэт страціў больш 200 млн.рублёў.  

У адпаведнасці з Указам Прэзідэнта Рэспублікі Беларусь ад 17 сакавіка 2009 года №138 “Аб арганізацыі ўступнай кампаніі ў вышэйшыя і сярэднія спецыяльныя ўстановы ў 2009 годзе”. Камітэт дзяржкантролю Гродзенскай вобласці ажыццяўляў кантроль уступных іспытаў у 17 ССНУ рэгіёна. Ва ўсіх іх працэдура прыёму была адкрытай і даступнай, абітурыенты своечасова інфармаваліся аб умовах паступлення. Тэрміны прыёму дакументаў не парушаліся.
План залічэння ў ССНУ выпускнікоў сельскіх і гарадскіх агульнаадукацыйных установаў вызначаўся прапарцыянальна падзадзеных заяваў. У той жа час у адпаведнасці з вынікамі ўступных іспытаў на многія спецыяльнасці склаўся агульны конкурс для ўсіх абітурыентаў, што сведчыць аб высокім узроўні падрыхтоўкі выпускнікоў сельскіх школаў.
За час уступнай кампаніі тэлефонамі “Гарачай лініі” скарысталіся 92 грамадзяніны, пытанні якіх у асноўным патрабавалі кансультацый і тлумачэнняў.