У Дзятлаўскім доме дзіцячай творчасці прайшоў Дзень сельскага школьніка. Гэтым мерапрыемствам завяршыўся Тыдзень пазашкольных установаў. Запоўненая амаль поўнасцю зала стала падцвярджэннем інтарэсу да гэтай падзеі з боку вучняў і настаўнікаў.
Тыдзень пазашкольных устаноў праводзіцца ў раёне не першы раз. Асноўная яго мэта — пазнаёміць школьнікаў з дзейнасцю Дзятлаўскага дома дзіцячай творчасці, цэнтра турызму і краязнаўства, Казлоўшчынскага эколага-біялагічнага цэнтра. На базе гэтых установаў дзейнічае вялікая колькасць самых разнастайных гурткоў, якія могуць зацікавіць кожнага. Мерапрыемства стала своеасаблівай рэкламай пазашкольнай дзейнасці ў раёне, а завяршылася ўсё сустрэчай з сельскімі школьнікамі.
Мерапрыемства не працягвалася доўга, але нават за гадзіну кожны мог пазнаёміцца з накірункамі гурткоў, выбраць сабе тое, што па душы. Спачатку выступілі прадстаўнікі Дзятлаўскага дома дзіцячай творчасці, якія прадставілі на суд гледачоў не толькі вершаваную прэзентацыю сваёй дзейнасці, але і шматлікія выставы. Асаблівую цікавасць у прысутных выклікаў гурток стэндавагамадэлявання, работы выхаванцаў якога пастаянна займаюць прызавыя месцы на абласных конкурсах. Тым больш такім накірункам у нашай вобласці займаюцца некалькі энтузіястаў. Дзятлаўскі цэнтр турызму і краязнаўства паказаў камп’ютарную прэзентацыю, з якой прысутныя маглі даведацца аб накірунках работы гурткоў, убачыць фотаздымкі з летняй аздараўленчай кампаніі.  

Мы прывыклі марыць пра паездкі ў заморскія краіны, а самі нават не ведаем, што ёсць цікавага ў суседніх гарадах і вёсках нашай роднай Беларусі. А ў кожным паселішчы ёсць нешта адметнае, цікавае, што нікога не пакіне раўнадушным.
Да Баранавічаў прасцей ўсяго даехаць: дызель-поезд праз Наваельню ( білет каштуе менш, чым тры тысячы рублёў) ходзіць два-тры разы на дзень.
Пачатак гораду дала чыгуначная станцыя “Баранавічы” ( абавязкова наведайце, калі будзе магчымасць, музей Баранавіцкага аддзялення Беларускай чыгункі), якая была пабудавана ў 1871 годзе. Вакол яе і вырас пасёлак, а з 1884 года – мястэчка Разводава, названае ў гонар уладальніцы маёнтка графіні Развадоўскай. У гэтым жа годзе з’явілася станцыя “Баранавічы” на Палескім участку чыгункі, пасёлак вакол якой назвалі Новыя Баранавічы. У 1890-ым пасёлкі аб’ядналіся пад назвай Баранавічы-Разводава, пазней другую частку назвы адкінулі.
Горад Баранавічы ганарыцца сваёй прамысловасцю: станкабудаўнічым, аўтаагрэгатным, тэкстыльным заводамі. Але нам трэба не гэта. Хочацца хутчэй вас парадаваць: у Баранавічах вельмі многа прыгожых, незвычайных мясцін, помнікаў, паркаў, скульптур.
Напэўна, няма больш на Беларусі такога горада, дзе быў бы помнік Вераб’ю. Ведаем мы пра помнік Агурку, Бабру, нават літары “ў”, а вось у Баранавічах на плошчы Леніна важна сядзіць металічная птушачка на невысокім пастаменце. Увекавечыць вераб’я вырашыла рэспубліканская грамадская арганізацыя “Ахова птушак Беларусі” у рамках нацыянальнай кампаніі “Хатні верабей – птушка 2003 года”. А каля верабейчыка летам працуе фантан “Каменная кветка”, дзе можна пасядзець адпачыць, асвяжыцца. Пабудаваны ён быў у 1982 годзе, хаця і не працаваў вельмі доўгі час, узнавілі яго толькі ў 2000 годзе. У Баранавічах шмат розных фантанаў, самыя вядомыя – “Папараць-кветка”і “Ліра”.
Калі прайсці далей у накірунку бульвара Хейнола, названага ў гонар горада-пабраціма, то можна заўважыць іншыя невялікія пастаменты, на якіх адбіты вядомыя словы Францыска Скарыны: “Понеже от прыроженыя зверы, ходзяіцые в пустыны, так знают ямы своя; птыцы, летаюгцые по возьдуху, ведають гнёзды своя; рыбы, плаваюіцые по морю ы в реках, чуюць выры своя, пчёлы ы тым подобныя боронять ульев своых, — тако ж ы люды, ы да где зродшшся ы ускормлены суть по бозе, к тому месту велыкую ласку імають” .  

Балгарскія тураператары прынялі рашэнне аб зніжэнні цэн на адпачынак на 5-30% для арганізаваных турыстычных груп з іншых краін, у першую чаргу з Беларусі, Расіі, Украіны. Аб гэтым паведаміў надзвычайны і паўнамоцны пасол Рэспублікі Балгарыя ў Беларусі Петка Ганчаў на прэс-канферэнцыі з нагоды балгарскага нацыянальнага свята – Дня вызвалення. Як падкрэсліў кіраўнік балгарскай дыпламатычнай місіі, гэта рашэнне прынята для стварэння прывабных умоваў для замежных турыстаў і павелічэння іх колькасці, паколькі ў апошнія гады назіраецца некаторае зніжэнне адпачавальнікаў на чарнаморскіх курортах Балгарыі. Напрыклад, у 2008 годзе ў параўнанні з 2007-м колькасць беларускіх турыстаў скарацілася на 4 тыс. – з 28 тыс. да 24 тыс. Што датычыцца прагнозу на сёлетні сезон водпускаў, то балгарскі бок чакае захаванне ўзроўню мінулага года.
Пасол сказаў, што цяпер у стадыі абмеркавання знаходзіцца пытанне адмены віз для арганізаваных турыстычных груп, але рашэнне пакуль што не прынята.
Петка Ганчаў сказаў, што ў Балгарыі цяпер функцыянуе больш як 450 цэнтраў з натуральнымі мінеральнымі крыніцамі, дзе можна эфектыўна спалучаць лячэнне і адпачынак. Ён таксама лічыць, што колькасць беларускіх турыстаў, якія накіроўваюцца на адпачынак у Балгарыю, магла б значна ўзрасці з устанаўленнем прамых авіязносін Мінск – Сафія. На яго думку, гэты фактар таксама садзейнічаў бы патанненню адпачынкаў на чарноморскіх курортах Балгарыі. Цяпер беларускія турысты накіроўваюцца на балгарскія курорты праз Вену, Прагу, Маскву, што адбіваецца на цане адпачынку.
БЕЛТА.

Лета. Хто не любіць гэту пару года за цёплыя сонечныя дзянькі, спевы птушак, купанне ў рацэ. А яшчэ гэта — сезон адпачынку для дарослых і дзяцей. Першыя — стараюцца ўзяць водпуск, другія — радуюцца працяглым канікулам. І ўсё ж, сапраўдны падарунак для дзіцяці — гэта пуцёўка ў летнік, дзе можна сустрэць шмат сяброў, запасціся ўспамінамі на цэлы год.

Менавіта пра адпачынак хлопчыкаў і дзяўчынак з нашага раёна ў летніку “Баравічок” карэспандэнтка гутарыла з Н. М. Ёрчык, загадчыцай дзіцячага аддзялення санаторыя “Радон”.

— Наталля Мікалаеўна, колькі дзяцей за лета аздараўліваюцца ў лагеры?

— Адразу хачу зазначыць, што “Баравічок” — гэта дзіцячае аддзяленне санаторыя “Радон”. Тут адпачываюць дзеці з розных раёнаў Беларусі, па 176 чалавек за змену (24 дні). Яны атрымліваюць санаторна-курортнае лячэнне. Адначасова кожнае лета ў нас працуе летнік “Баравічок” для дзяцей з Дзятлаўскага раёна. За змену, працягласцю ў 18 дзён, тут могуць адпачыць 80 чалавек. Усяго за лета мы прымаем чатыры змены — 320 дзяцей.

— Якія ўмовы створаны для дзяцей нашага раёна ў “Баравічку”?