Шчыра віншуем з юбілеем дарагога, любага нашага
Аляксандра Іванавіча
МАКАРЧЫКА
з Казлоўшчыны
Папа, родной наш, любимый,
Дедушка славный, незаменимый,
З 50-летием поздравляем
И всяческих благ желаем,
Чтобы ты никогда не болел,
Чтобы ты никогда не старел,
Чтобы вечно ты был молодым,
Мудрым, добрым и нежным таким.
З любоўю і пашанаю сын Уладзімір, нявестка Алена, сваты Мілейкі.

Ад усёй душы віншуем дарагую, любую мамачку, бабулю, прабабулю
Лідзію Іванаўну
РУТКОЎСКУЮ
з в. Явар з днём нараджэння.
Жадаем каб ты ніколі не старэла, каб не згасла цеплыня тваёй душы, дабрыня, увага, высакароднасць і мацярынскае цярпенне заўжды сагравала нас.
Быстро летят годы, как мгновенья,
Не оставляют свой след за собой,
Вот и сегодня у тебя день рожденья
Мамы, свекрови, тёщи, бабушки и пробабушки родной.
Ты нас учила добру и терпению,
Ладить с людьми и друг друга любить,
Ссоры прощать и плыть по теченью,
Света души нам твоей не забыть.
Были и горе, и слёзы…
Всем сердцем обиды прости,
Из жизни не вычеркнуть это,
Что Богом дано, то надо пройти.
Живи подольше, наша дорогая,
И главное, конечно, не болей,
Поверь, что ты нужна на свете
Для правнуков, внуков и нас — детей.

Летась на Дзятлаўшчыне зарэгістраваны 217 шлюбаў, на два больш, чым у 2008 годзе. Распісваліся маладыя найчасцей у Дзятлаўскім ЗАГСе – 168 рэгістрацый. На Казлоўшчынскі пассавет прыпадае 17 шлюбаў, у астатніх – па 2-5 рэгістрацый на год. Не бралі шлюбы ў Жукоўшчынскім і Раготнаўскім сельвыканкамах.
КАХАЮЦЬ У ЛЮБЫМ УЗРОСЦЕ
Самай маладой нявесце было 17, а самай пажылой – 72. Такі ж узрост мелі самы малады і самы пажылы жаніхі. Паўторна ў 2009 годзе заключылі шлюб 57 жанчын і 47 мужчын.
ЗАМУЖ — МАЮЧЫ ПРАФЕСІЮ
Запісы аб шлюбе за 2009 год сведчаць, што сярод жаніхоў і нявестаў найбольш людзей з сярэдне-спецыяльнай адукацыяй – 43. Сярэднюю адукацыю мелі 32 жаніхі і нявесты, вышэйшую – 15. Няпоўную сярэднюю адукацыю мелі толькі трое маладажонаў. На момант рэгістрацыі шлюбу нідзе не працавалі 39 чалавек.
ПУСЦЕЮЦЬ НАШЫ ВЁСКІ
Статыстыка, прадастаўленая аддзелам ЗАГС райвыканкама, сведчыць, што летась памірала людзей менш, чым у папярэднім годзе: у 2009-ым – 633, у 2008-ым – 710 чалавек. У ўсё ж пусцеюць вёскі: па сельсаветах зарэгістраваны 532 смерці, па Дзятлаве – 101. Найбольш летась памерла ў Казлоўшчынскім пассавеце – 90 чалавек, Данілавіцкім сельсавеце – 71, Дзятлаўскім і Раготнаўскім сельсаветах – па 55. Найменшыя страты насельніцтва (і дзякуй Богу!) у Рудаяварскім і Войневіцкім сельсаветах – 11 і 14 чалавек.              

Бяспечная эксплуатацыя газакарыстальнага абсталявання (прылады для гатавання ежы, нагрэву вады, ацяплення памяшканняў) залежыць ад шматлікіх фактараў. Перш за ўсё – ад выканання правілаў, змешчаных у пашпартах заводаў-вытворцаў абсталявання, таксама ад выканання патрабаванняў, выкладзеных у Правілах карыстання газам у побыце.
Асноўным дакументам на права ўжывання газакарыстальнага абсталявання з’яўляецца тэхнічны пашпарт на газіфікаваны аб’ект, які выдаецца гаспадару жылога дома работнікамі вытворчага ўпраўлення “Дзятлаварайгаз”.
Наймальнікі жылых памяшканняў або ўласнікі жылых дамоў абавязаны заключаць дагавор на пастаўку прыроднага газу з ВУ “Дзятлаварайгаз”, на выкананне тэхнічнага абслугоўвання газакарыстальнага абсталявання – з ВУ “Дзятлаварайгаз” або з іншай арганізацыяй, якая мае права на такі від дзейнасці.      

Доўжыцца падпіска на другі квартал 2010 года на нацыянальныя газеты і часопісы, выданні краін СНД, раённую газету “Перамогу”. На замежныя выданні яна працягнецца да 5 сакавіка, на нацыянальныя абласныя і раённую газету – да 24 сакавіка.
Ведамасная падпіска на нацыянальныя газеты і часопісы працягваецца да 20 сакавіка, па выданні краін СНД – да 5 сакавіка.
Наведайце аддзел падпіскі раённага вузла паштовай сувязі. Звяртайцеся таксама да паштальёнаў і ў паштовыя аддзяленні раёна. Чакаем вас!
Тэлефон для даведак 2-18-84.
Ліц. №02140/0190670, выд. 6.07.2009г. Дзятлаўскім РВК.

Наркаманія — сацыяльна-небяспечная хвароба. Па ступені цяжкасці яе параўноўваюць з чумой, анкалагічнымі хваробамі.
Ужыванне наркотыкаў парушае псіхіку чалавека, вядзе да дэградацыі. Хворы на наркаманію гатовы на любыя дзеянні для здабычы наркатычных сродкаў, для яго характэрны супрацьпраўныя паводзіны і імкненне ўцягнуць у наркаманію іншых.
Негатыўны ўплыў наркаманія мае на дзяцей, бацькі якіх ўжываюць наркотыкі. У народжаных вельмі высокі працэнт анамалій развіцця, пашкоджанняў мозгу.
На жаль, распаўсюджванне наркаманіі расце. У першую чаргу — за кошт ўжывання опія саматужнага прыгатавання, прывыканне да якога адбываецца вельмі хутка. Узрасло і ўжыванне каннабіноідаў і псіхастымулятараў. Выпадкі іх ўжывання выяўлены і ў Дзятлаўскім раёне.
На жаль, наркаманія распаўсюджваецца ў першую чаргу сярод моладзі. Больш 80% наркаманаў і таксікаманаў складаюць маладыя людзі ва ўзросце да 35 гадоў.
А. МАЛАШАНКА,
галоўны санітарны доктар Дзятлаўскага раёна.

Самае страшнае, яна часта ўцягвае ў свае сеткі падлетка, нязваротна разбураючы яго здароўе, калечачы асобу, параджаючы агрэсіўнасць і жорсткасць. Таму такая кароткая дарога ад наркотыка да злачынства.
Праблема наркаманіі для нас новая, гістарычна нам не ўласцівая. Але прыйшоўшая з Захаду мода на наркотыкі стала, на жаль, распаўсюджвацца, уцягваючы ў асноўным маладых людзей і падлеткаў. Чаму менавіта падлеткі аказаліся настолькі падатлівымі на гэтую ядавітую прыманку? Узрост 13-15 гадоў – асаблівы ўзрост. У гэты перыяд ідзе бурнае развіццё асобы, абвастраецца цяга да ўсяго новага, у тым ліку і забароненага, а забарона, як вядома, выклікае асаблівую цікаўнасць. Уцягваючыся ў дурман, падлетак часта лічыць гэта спробай, гульнёй, дзейнічаючы па прынцыпу “пагляджу, што гэта такое”. Папярэджанням аб тым, што можа ўзнікнуць неадольная цяга да наркотыкаў, ён не верыць. Довады дарослых яму падаюцца перабольшанымі, а іншы раз аказваюць адваротнае дзеянне, распальваючы дапытлівасць і жаданне рызыкнуць выпрабаваць сябе.
Уцягненню падлетка ў такія смяротна небяспечныя гульні часта садзейнічае неарганізаваны вольны час, адсутнасць кантакту з бацькамі, непаразуменне, якое ён сустракае ў сям’і. І тады пачынаецца пошук іншых аўтарытэтаў: падлетак далучаецца да падазроных кампаній, дзе яму не прад’яўляюць ніякіх патрабаванняў і прэтэнзій, дзе, як, яму здаецца, яго разумеюць і спачуваюць. І калі ў такой кампаніі ёсць наркаман, то далучэнне да наркотыкаў становіцца амаль непазбежным. Залежнасць звычайна фарміруецца ў выніку паўторных прыёмаў псіхаактыўных рэчываў і ў розныя тэрміны – ад некалькіх тыдняў да некалькіх гадоў. У выніку фарміравання залежнасці арганізм як бы “прывыкае” да псіхаактыўнага рэчыва, пачынае яго “патрабаваць”, у чалавека ўзнікаюць непрыемныя, нават пакутлівыя фізічныя адчуванні і псіхічныя перажыванні. Для таго, каб прывесці сябе ў адносна спакойны стан, хворы з залежнасцю павінен зноў і зноў прымаць наркотыкі або таксіманічны сродак, таму што залежнасць – гэта хвароба. Наркатычныя рэчывы дзейнічаюць разбуральна на арганізм і псіхіку чалавека. Таму дзяржава і грамадства асабліва пільна сочаць за сітуацыяй з наркотыкамі ў краіне. З паняццем “наркотыкі” або “наркатычны сродак” звязаны тры праблемы: медыцынская, сацыяльная, юрыдычная. Сутнасць медыцынскай праблемы заключаецца ў тым, што залежнасць ад наркотыкаў – гэта хвароба, якую патрэбна лячыць. Сутнасць сацыяльнай праблемы – шкода, наносімая наркотыкамі, надзвычай вялікая – ад іх пакутуюць не толькі асобныя людзі або групы людзей, але і грамадства ў цэлым. Валодаючы вялікай разбуральнай сілай у адносінах арганізма і псіхікі чалавека, наркотыкі дзейнічаюць перш за ўсё на маладую, актыўную частку насельніцтва, разбураюць, як цяпер кажуць, генафонд нацыі, г.зн. згубна ўздзейнічаюць і на наступныя пакаленні. Сутнасць юрыдычнай праблемы заключаецца ў тым, што распаўсюджанне і незаконны выраб наркотыкаў – крымінальна каральная справа, і барацьба з нелегальным распаўсюджаннем наркотыкаў патрабуе ад дзяржавы (у асноўным у асобе праваахоўных органаў) максімальнай актыўнасці.                      

З 23 лютага 2010 года ўступілі ў сілу новыя змяненні і дапаўненні ў адміністрацыйны і працэсуальна-выканаўчы кодэксы Рэспублікі Беларусь. Агульнапрызнана, што няведанне закона не вызваляе ад адказнасці. Каб для жыхароў раёна гэта не стала нечаканасцю, некаторыя пункты кодэкса трэба агучыць.
Арт. 15.21 – парушэнні ўстаноўленага парадку карыстання лесасечнага фонду, нарыхтоўкі жывіцы цягне накладанне штрафу ў памеры да 30 базавых велічыняў, на індывідуальнага прадпрымальніка ад 10 да 100 базавых велічыняў, а на юрыдычную асобу да 500 базавых велічыняў;
Арт. 15.22 – незаконнае знішчэнне, у тым ліку незаконная высечка, ці пашкоджанне дрэваў і кустоўя да ступені спынення росту, якія растуць у лясах першай групы ляснога фонду, а таксама драўнінна-хмызняковай расліннасці (насаджэнні), якія не ўваходзяць у лясны фонд, уключаючы сеянцы і саджанцы, цягне накладанне штрафу ў памеры ад 5 да 50 базавых велічыняў, на індывідуальнага прадпрымальніка ад 20 да 200 базавых велічыняў, а на юрыдычную асобу — ад 50 да 300 базавых велічыняў;
Тыя ж дзеянні, здзейсненыя ў астатніх лясах ляснога фонду, цягнуць накладаннем штрафу ў памеры да 30 базавых велічыняў, на індывідуальнага прадпрымальніка — ад 10 да 150 базавых велічыняў, а на юрыдычную асобу — ад 50 да 300 базавых велічыняў.
Найбольш поўную і падрабязную інфармацыю аб усіх змяненнях і дапаўненнях у КаАП і ПІКаАП РБ, якія закранаюць прыродаахоўнае заканадаўства, вы можаце атрымаць у Навагрудскай МРІ па тэл. 27119, 27118 ці звярнуцца на асабісты прыём.
Д. МАСКАЛЬ,
намеснік начальніка Навагрудскай МРІ.

22 студзеня 2010 года афіцыйна апублікаваны Закон Рэспублікі Беларусь “Аб унясенні змяненняў і дапаўненняў у некаторыя кодэксы Рэспублікі Беларусь па пытаннях крымінальнай і адміністрацыйнай адказнасці”.
У прыватнасці, артыкул 17.3 КоАП атрымаў новую назву “Распіццё алкагольных, слабаалкагольных напіткаў або піва ў грамадскім месцы або з’яўленне ў грамадскім месцы або на працы ў стане алкагольнага ап’янення” і, адпаведна, пашырыў межы свайго прымянення.
Заўвага: піва – напітак, які атрымліваецца шляхам зброджвання ахмеленага соладавага сусла піўнымі дражджамі, з аб’ёмнай доляй этылавага спірту 0,5 і больш працэнта; слабаалкагольныя напіткі – напіткі (за выключэннем кісламалочных напіткаў, квасу і піва) з аб’ёмнай доляй этылавага спірта ад 0,5 да 7 працэнтаў.
За распіццё алкагольных, слабаалкагольных напіткаў або піва на вуліцы, стадыёне, у скверы, парку, грамадскім транспарце або ў іншых грамадскіх месцах, акрамя месцаў, прызначаных для ўжывання алкагольных, слабаалкагольных напіткаў і піва, або з’яўленне ў грамадскім месцы ў п’яным выглядзе, які зневажае чалавечую годнасць і маральнасць, прадугледжана адказнасць у выглядзе штрафу ў памеры да 8 базавых велічыняў.
Другой часткай гэтага ж артыкула ўстаноўлена адміністрацыйная адказнасць у выглядзе штрафу ў памеры ад 1 да 10 базавых велічыняў за знаходжанне на працоўным месцы ў рабочы час у стане алкагольнага, наркатычнага або таксікаманічнага ап’янення.
За вышэйазначаныя дзеянні, якія ўчынены паўторна на працягу аднаго года пасля накладання адміністрацыйнага спагнання за такія ж парушэнні, вінаватага чакае штраф у памеры ад 2 да 15 базавых велічыняў або адміністрацыйны арышт.      

На тэрыторыі Дзятлаўскага раёна міліцыя была створана ў 1939 годзе. З 26 лютага 1940 года пачало сваё існаванне Дзятлаўскае раённае аддзяленне НКУС. Хутка пачалася Вялікая Айчынная вайна, раён быў акупаваны нямецка-фашысцкімі захопнікамі. Пасля яе заканчэння міліцыю, якая была ўкамплектавана камуністамі і камсамольцамі, якія яшчэ нядаўна ваявалі на фронце і ў партызанскіх атрадах, узначаліў капітан Міхаіл Міхайлавіч Дзяменц’еў. З 1947 па 1950 год на пасадзе начальніка працаваў Аляксей Аляксандравіч Гарбуноў. Нягледзячы на тое, што Аляксея Аляксандравіча даўно няма ў жывых, жыхары Дзятлава помняць яго дабрыню і высакароднасць. З 1950 па 1962 год райаддзелам кіраваў Міхаіл Пятровіч Лузін. Для яго, ураджэнца Кіраўскай вобласці, беларуская зямля стала другой радзімай. Затым Дзятлаўскую міліцыю ўзначаліў Пётр Аляксеевіч Кароза. У 1944 годзе ён пачаў службу радавым міліцыянерам у асобным канвойным узводзе міліцыі Маладзечнескай вобласці, даслужыўся да пасады начальніка, кіраваў Дзятлаўскім РАУС да 1968 года. Рэдкім прафесіяналізмам, пачуццём справядлівасці адрозніваўся Уладзімір Цімафеевіч Капціловіч, які працаваў начальнікам аддзела з 1968 па 1983 год. Нельга не ўспомніць добрым словам Пятра Мікалаевчіа Грымуту, начальніка міліцыі з 1983 па 1987 год. На гэтай пасадзе ён зарэкамендаваў сябе з самага лепшага боку, быў вельмі ўважлівы да асабовага саставу РАУС. У Дзятлаўскім раёне, вёсцы Лозкі нарадзіўся і вырас Аляксандр Вікенцьевіч Ламака. Пачынаў службу ў міліцыі з пасады ўчастковага ўпаўнаважанага, пасля стаў начальнікам РАУС – граматным кіраўніком. Узначальваў Дзятлаўскую міліцыю з 1987 па 1993 год. Любоў да сваёй нялёгкай прафесіі прывіў і сынам, двое з іх сёння служаць у РАУС і знаходзяцца на добрым уліку. З 1993 па 2005 год Дзятлаўскім аддзелам кіраваў палкоўнік міліцыі Анатоль Леанідавіч Панкевіч. Пад яго кіраўніцтвам аддзел неаднаразова займаў прызавыя месцы ў вобласці. Заслужаным аўтарытэтам як сярод супрацоўнікаў РАУС, так і жыхароў Дзятлаўшчыны карыстаўся Іван Міхайлавіч Верамейка, які працаваў начальнікам раённай міліцыі з 2005 па 2006 год. Ён ураджэнец раёна, таму добра ведаў насельніцтва, асаблівасці рэгіёна. З чэрвеня 2006 года па сённяшні дзень Дзятлаўскі РАУС узначальвае падпалкоўнік міліцыі Юрый Эдвардавіч Таўсцюк, ураджэнец г. Ваўкавыска.      

Сёлета пачалася рэарганізацыя пасёлка Гезгалы ў аграгарадок. Сімвалічна, што ў юбілейны год Перамогі ў Вялікай Айчыннай вайне былы ваенны гарадок будзе добраўпарадкаваны, пашырацца сацыяльныя стандарты, будуць палепшаны ўмовы жыцця мясцовага насельніцтва.
Аднымі з першых пачалі рэалізоўваць праграму рэарганізацыі сувязісты, пачалі менавіта з тэлефанізацыі аграгарадка. Каб растлумачыць далейшыя этапы работ, прапанаваць паслугі Белтэлекама, прадэманстраваць новыя тэхналогіі і магчымасці электрасувязі, 18 лютага ў рамках Адзінага дня інфармавання насельніцтва работнікі Дзятлаўскага раённага вузла элекрасувязі сустрэліся з жыхарамі пасёлка.
Распачаў сустрэчу начальнік прадпрыемства Пётр Палікарпавіч Сокал, які паведаміў, што згодна праграмы састарэлая мясцовая АТС будзе заменена на новую лічбавую. Устанавіць тэлефон змогуць усе жадаючыя жыхары Гезгалаў (для даведкі: кошт устаноўкі – 60420 рублёў). Тэлефанізацыя працягнецца да 1 ліпеня 2010 года. Яе мэта – поўнасцю задаволіць патрэбы жыхароў Гезгалаў у тэлефоннай сувязі, а таксама забяспечыць абанентаў паслугамі Белтэлекама. Тэлефон сёння – не раскоша і, пры гэтым, сродак першай неабходнасці. І справа не толькі ў яго мэтанакіраваным прызначэнні – сувязі з усім светам, але і ў магчымасці падключыць новыя тэхналогіі, такія як высокахуткасны Інтэрнэт “Byfly” і інтэрактыўнае тэлебачанне, якія хутка ўкараняюцца ў наша жыццё і актыўна развіваюцца.
Як паказвае практыка, сучаснае жыццё немагчыма без Інтэрнэта: у 2009 годзе 93% студэнтаў пры падрыхтоўцы да паступлення карысталіся сусветным павуціннем. Матулі, якія знаходзяцца ў дэкрэтным водпуску, хатнія гаспадыні, як правіла, не ўтрымліваюцца ад спакусы пагутарыць з сябрамі ў “Аднакласніках”, пачытаць на тэматычных старонках новыя рэцэпты, правілы выхавання дзяцей. Пенсіянеры аддаюць перавагу сайтам з парадамі садаводам і агароднікам, апісаннем лекавых раслінаў. Пра спецыялістаў на прадпрыемствах, студэнтаў і школьнікаў не прыходзіцца і гаварыць – яны самыя актыўныя наведвальнікі Інтэрнэта. Дарэчы, датычыцца гэта не толькі буйных гарадоў. У Дзятлаўскім раёне абанентамі “Byfly” ужо сталі больш за 900 чалавек. Як паведаміў падчас сустрэчы прысутным начальнік аддзела маркетынгу Дзятлаўскага раённага вузла электрасувязі Уладзімір Уладзіміравіч Фісяк, Белтэлекам прапаноўвае сёння сваім абанентам 21 тарыфны план “Byfly”. Кожны можа падабраць зручны для сябе, напрыклад, можна карыстацца Інтэрнэтам толькі дзве гадзіны ў суткі пасля працы або вучобы, тым самым – не пераплочваць. Калі вы аматар кіно або часта перасылаеце фатаграфіі сваім сябрам і родным – выбірайце тарыф з кругласутачным доступам у Інтэрнэт без уліку трафіка, які дае магчымасць прымаць або перадаваць вялікі аб’ём інфармацыі. Таксама не трэба забываць, што пры карыстанні высокахуткасным Інтэрнэтам, ваш тэлефон застаецца незанятым, і вы ніколі не прапусціце званок. Гэта бывае немалаважна для сем’яў, дзе ёсць школьнікі, якія гадзінамі “прападаюць” у Інтэрнэт-чатах.
Уладзімір Фісяк адзначыў, што падключэнне да высокахуткаснага Інтэрнэту цяпер бясплатнае, мадэмнае абсталяванне таксама прадастаўляецца вузлом электрасувязі абаненту бясплатна на ўвесь тэрмін дзеяння дагавора.